Shocking News: नोकरीसाठी परदेशात गेलेल्या एका भारतीय तरुणाने पत्नीशी व्हिडिओ कॉलवर झालेल्या वादानंतर थेट आत्महत्या केल्याची धक्कादायक घटना सौदी अरेबियातील रियाध शहरात उघडकीस आली आहे. उत्तर प्रदेशातील मुझफ्फरनगर येथील हा तरुण होता.
काय आहे प्रकरण?
आस मोहम्मद अन्सारी (वय 24) असे मृताचे नाव आहे. तो सुमारे 2.5 महिन्यांपूर्वी कामासाठी सौदी अरेबियाला गेला होता. त्याचा विवाह या वर्षी एप्रिल 7 रोजी सानिया (वय 21) हिच्याशी झाला होता. प्रदीर्घ कालावधीच्या विरहामुळे किंवा अन्य कोणत्या कारणामुळे त्यांच्यात वाद झाला असावा, असा प्राथमिक अंदाज आहे.
( नक्की वाचा : Satara Doctor Suicide Case : फोटोवरून वाद, शेवटचा कॉल... डॉक्टरच्या आत्महत्येपूर्वीची धक्कादायक माहिती उघड )
व्हिडिओ कॉलवरील टोकाचे पाऊल: ऑक्टोबर 26 रोजी आस मोहम्मद रियाध येथील आपल्या खोलीतून पत्नी सानियाशी व्हिडिओ कॉलवर बोलत होता. त्यांच्यात जोरदार वाद झाल्यानंतर आस मोहम्मदने टोकाचे पाऊल उचलले. पत्नीने तातडीने सौदीतील नातेवाईकांना कळवल्यानंतर त्यांनी घटनास्थळी धाव घेतली.
(नक्की वाचा : Satara Doctor Case : 'तो' खासदार कोण? मानसिक छळानंतर महिला डॉक्टरची आत्महत्या; वाचा संपूर्ण खळबळजनक पत्र )
सध्या मृतदेह भारतात, त्याच्या मूळ गावी मुझफ्फरनगर येथे आणण्याची प्रक्रिया सुरू आहे. याकरिता भारतीय दूतावासाची मदत घेतली जात आहे. पोलीस या प्रकरणाची सखोल चौकशी करत आहेत.
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
Track Latest News Live on Marathi.NDTV.com and get news updates from India and around the world
