माणुसकीच्या नात्याला काळिमा फासणारी घटना जालना शहरातील जुना जालना परिसरात घडली आहे. इथं लिव्ह इन रिलेशनशिपमध्ये राहणाऱ्या प्रियकरानेच आपल्या प्रेयसीच्या सहा वर्षाच्या मुलीवर लैंगिक अत्याचार केले.या संतापजनक घटनेने शहरात एकच खळबळ उडाली आहे. या प्रकरणी पोलिसांनी तात्काळ कारवाई करत, आरोपीला अटक केली आहे. तो पेशाने हॉटेल मॅनेजर आहे. प्रियकरा विरोधात प्रेयसीने तक्रार केल्यानंतर त्याच्या विरोधात कारवाई करण्यात आली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
परभणी जिल्ह्यातील जिंतूर तालुक्यातील एक 28 वर्षीय महिला आपल्या चार मुलां पैकी दोन मुलीसह जालना शहरातील जुना जालना परिसरात राहण्यासाठी आली होती. त्यात ती जगण्यासाठी मिळेल ते घरकाम करून आपल्या मुलांचा उदरनिर्वाह करत होती. दोन वर्षांपूर्वी जालना शहरातील एका हॉटेलमध्ये मॅनेजर असलेल्या प्रशांत प्रकाश वाडेकर यांच्याशी त्या महिलेची ओळख झाली. या ओळखीचे रूपांतर प्रेमात झाले. त्या नंतर ही महिला प्रशांत सोबत लिव्ह इन रिलेशनशिपमध्ये एकत्र रूम घेऊन राहू लागली होती.
काम करण्यासाठी ही महिला रोज बाहेर जात होती. त्यामुळे दुपारपर्यंत ती घरात नसे. त्यावेळी तिचा प्रियकर प्रशांत हा दिवसभर घरी असायचा. त्यावेळी तिच्या मुलीही घरी होत्या. घरी कुणी नाही याचा गैरफायदा त्याने घेतला. प्रेयशीची सहा वर्षाची मुलगी घरात असताना तो तिच्यावर लैंगिक अत्याचार करत होता. आधी त्याने तिच्या बरोबर अनैसर्गिक कृत्य केले. त्यानंतर तो तिच्यावर लैंगिक अत्याचार ही करत होता.
ट्रेंडिंग बातमी - Latur News: अडीच वर्ष गुंगारा दिला, पोलीस येताच गटारात लपला, पुढे जे झालं ते...
या सर्व गोष्टीचा त्या मुलीला त्रास होवू लागला. तिला ताप आणि उलट्या होत होत्या. शेवटी रात्री प्रशांत घरा बाहेर कामाला गेल्यावर मुलीने आपल्या सोबत घडलेला संपूर्ण प्रकार आईला सांगितला. त्यावेळी तिच्या पायाखालची वाळू सरकली. तिने मुलीकडे आणखी विचारणा केली. त्यावर या आधीही आपल्यावर त्याने अत्याचार केल्याचे सांगितले. शिवाय भीतीमुळे कुणाला काही सांगितले नाही असंही तिने आईला सांगितले. मात्र यावेळी तिला भयंकर त्रास झाला. शिवाय तिची तब्बेतही बिघडली. त्यामुळे तिने झालेला सर्व प्रसंग आईला सांगितला.
त्यानंतर त्या मुलीच्या आईने तात्काळ कदीम जालना पोलिस ठाणे गाठले. झालेला प्रकार तिने पोलिसंना सांगितला. लिव्ह इन मध्ये सोबत राहणाऱ्या प्रशांत वाडेकर यांच्या विरुद्ध गुन्हा ही नोंदवला. सहा वर्षाच्या मुलीवर अनैसर्गिक कृत्य करून बलात्कार केल्या प्रकरणी गुन्हा दाखल करण्यात आला. कदीम जालना पोलिसांनी नराधाम प्रशांत वाडेकर याला ताब्यात घेतले आहे. दरम्यान सहा वर्षाच्या मुलीला वैद्यकीय तपासणी आणि उपचारासाठी जिल्हा शासकीय रुग्णालयात दाखल करत आले आहे. या प्रकरणी अधिक तपास पोलिसांनी सुरू केला आहे.
Track Latest News Live on Marathi.NDTV.com and get news updates from India and around the world
