जम्मू-काश्मीर: महाराष्ट्रातील एका 70 वर्षीय महिलेवर जम्मू-काश्मीरमधील पहलगाममध्ये बलात्कार झाल्याचा धक्कादायक प्रकार उघडकीस आला आहे. ही महिला एप्रिल महिन्यात जम्मू-काश्मीरमध्ये भेट देण्यासाठी आली होती, त्यावेळी ही घटना घडली. याप्रकरणी 'जामीन हा नियम आहे आणि तुरुंग अपवाद आहे, असे म्हणत न्यायाधीशांनी या घृणास्पद गुन्ह्याशी संबंधित प्रकरणातील आरोपी स्थानिक रहिवासी झुबैर अहमदला जामीन देण्यास नकार दिला.
मुख्य सत्र न्यायाधीश ताहिर खुर्शीद रैना म्हणाले की "ही एक विकृत मानसिकता आहे जी सर्वसाधारणपणे समाजाच्या नैतिक अध:पतनाचे प्रतिबिंबित करते. ही महिला महाराष्ट्रातील एक पर्यटक आहे जी वेदनादायक आठवणी घेऊन परत येईल. न्यायाधीश म्हणाले की अहमद यांनी दिलेले युक्तिवाद मला या न्यायालयाच्या न्यायिक विवेकावर प्रभाव पाडण्यासाठी पुरेसे वाटत नाहीत. न्यायालयाने 'जामीन हा नियम आहे, तुरुंग हा अपवाद आहे' या सर्वोच्च न्यायालयाच्या तत्त्वाला नकार देत अशा भयानक हल्ल्यातील आरोपीला सोडल्याने चुकीचा संदेश जाईल," असं त्यांनी नमूद केले.
न्यायाधीश रैना यांनी म्हटलं की "ते आरोपी अहमदला पळून जाण्याचा किंवा पुराव्यांशी छेडछाड करण्याचा धोका पत्करू शकत नाहीत. या घटनेकडे एक वेगळी घटना म्हणून पाहिले जाऊ शकत नाही. ही एक पर्यटक संत आणि ऋषींच्या या भूमीत आलेली एक ज्येष्ठ महिला आहे. तिच्याशी इतके वाईट आणि धक्कादायक वागणूक देण्यात आली की भविष्यात तिला तिच्या मुलांसोबत वृद्धापकाळ घालवण्यासाठी निवडलेल्या जागेबद्दल पश्चात्ताप होईल."
Crime News: 1 खूनी, 13 वर्ष पोलिसांना चकवा, शहरं बदलली, नाव ही लपवलं, पण शेवटी...
यापूर्वी, आरोपी अहमदने असा युक्तिवाद केला की पोलिसांनी त्याला खोट्या गुन्ह्यात अडकवले आहे. त्याने असाही युक्तिवाद केला की पीडितेने त्याला आरोपी म्हणून ओळखले नाही. त्याने पोलिसांना सहकार्य केले आहे आणि ते करत राहील. दरम्यान, पोलिसांनी सांगितले की11 एप्रिल रोजी झालेल्या बलात्कारानंतर ही महिला गंभीर जखमी झाली होती. अहमदने तिच्या हॉटेलच्या खोलीत घुसून ब्लँकेटने तिचा गळा दाबला आणि पळून जाण्यापूर्वी तिच्यावर बलात्कार केल्याचा आरोप आहे.
Track Latest News Live on Marathi.NDTV.com and get news updates from India and around the world
