Nashik Family Suicide News: एकाच घरातील चौघांनी सामुहिक आत्महत्या केल्याची खळबळजनक घटना नाशिकमधून समोर आली आहे. पती पत्नी, मुलगा आणि मुलगी अशा चौघांचा मृतांमध्ये समावेश आहे. नाशिकच्या देवळा तालुक्यात घडलेल्या या घटनेने परिसरात एकच खळबळ उडाली असून पोलीस याबाबतचा अधिक तपास करत आहेत.
एकाच घरातील चौघांची आत्महत्या
याबाबत सविस्तर माहिती अशी की, एकाच घरातील चौघांनी आत्महत्या केल्याची घटना नाशिकच्या देवळा तालुक्यातील फुले माळवाडी येथे घडली आहे. कुटुंबातील 40 वर्षीय युवकाने गळफास घेत आयुष्य संपवले तर पत्नीसह दोन मुले यांचे मृतदेह झोपलेल्या अवस्थेत आढळून आले. आज (रविवार, 30) सकाळी ही घटना उघडकीस आली आहे.
Pune News: 'डॉ. गौरीनंतर माझा खून...' पुण्यातील डॉक्टर महिलेचा खळबळजनक VIDEO, चित्रा वाघ यांचेही नाव
मृतांपैकी गोविंद बाळू शेवाळे (वय 40) यांचा मृतदेह गळफास घेत असलेल्या अवस्थेत आढळला आहे. तर कोमल गोविंद शेवाळे (वय 35) ख़ुशी गोविंद शेवाळे (वय 8) आणि शाम गोविंद शेवाळे (वय दीड वर्ष) यांचे मृतदेह पलंगावर झोपलेल्या अवस्थेत आढळून आले आहेत. याबाबतची माहिती मिळताच देवळा पोलीस निरीक्षक, पोलीस उपनिरीक्षक, पोलीस कॉनस्टेबल हे घटनास्थळी दाखल झाले आहेत.
त्याचबरोबर फॉरेन्सिक टीमही घटनास्थळी दाखल झाली आहे. या कुटुंबाने आत्महत्या केली? याबाबत अद्याप कोणतीही माहिती समोर आली नाही. पोलिसांनी मृतदेह ताब्यात घेतले असून शवविच्छेदनासाठी पाठवले आहेत, याबाबतचा अधिक तपास करत आहेत.
Couple Death: लग्नाला निघाले, वाटेतच घात.. पती-पत्नीचा विहिरीत मृतदेह, पाटील दांपत्यासोबत काय घडलं?
