रेवती हिंगवे, प्रतिनिधी
Pune MPSC Student Suicide: पुणे शहरात स्पर्धा परीक्षांची तयारी करणाऱ्या विद्यार्थ्यांसाठी एक अत्यंत दुर्दैवी आणि धक्कादायक घटना समोर आली आहे. महाराष्ट्र लोकसेवा आयोगाच्या (MPSC) परीक्षेत आलेल्या अपयशामुळे एका 26 वर्षीय तरुणाने आत्महत्या केल्याची माहिती आहे. ही घटना विश्रामबाग पोलीस स्टेशनच्या हद्दीमध्ये घडली असून, या घटनेमुळे स्पर्धा परीक्षांची तयारी करणाऱ्या विद्यार्थ्यांच्या मानसिक आरोग्याचा प्रश्न पुन्हा एकदा ऐरणीवर आला आहे.
काय आहे प्रकरण?
पोलिसांनी दिलेल्या प्राथमिक माहितीनुसार, आज (शुक्रवार 28 नोव्हेंबर) सकाळी अंदाजे 8 वाजता ही आत्महत्येची घटना उघडकीस आली. 26 वर्षीय सागर पवार या तरुणाने आपल्या खोलीत गळफास (Gallows) घेऊन आपले जीवन संपवले. सागर हा मूळचा बुलढाणा येथील रहिवासी असून, तो पुण्यात राहून MPSC परीक्षेची तयारी करत होता.
( नक्की वाचा : 19 वर्षांच्या विवाहित महिलेनं घेतला गळफास, आत्महत्येमागे 'तो' संशयास्पद मुद्दा काय? )
आत्महत्या करण्यापूर्वी त्याने आपल्या खोलीचा दरवाजा आतून बंद करून घेतला होता. त्यामुळे, पोलिसांना घटनास्थळी दरवाजा तोडून आत प्रवेश करावा लागला. पोलिसांनी दिलेल्या माहितीनुसार, या तरुणाने MPSC परीक्षेतील अपयश पचवता न आल्याने हे टोकाचे पाऊल उचलले असावे, असा प्राथमिक संशय (Primary Suspicion) व्यक्त करण्यात येत आहे.
विशेष म्हणजे, घटनास्थळी पोलिसांना कोणतीही सुसाइड नोट (Suicide Note) आढळलेली नाही. त्यामुळे, त्याच्या आत्महत्येचे नेमके कारण अद्याप स्पष्ट झालेले नाही. विश्रामबाग पोलीस या प्रकरणाचा सखोल तपास करत असून, तरुणाच्या आत्महत्येमागील नेमक्या कारणांचा शोध घेत आहेत.
( नक्की वाचा : धनंजय मुंडेंच्या जवळच्या व्यक्तीनं रेल्वेसमोर उडी मारत दिला जीव, अकोल्यात खळबळ! कारण काय? )
सलग दुसऱ्या दिवशी आत्महत्या
विश्रामबाग पोलीस स्टेशनच्या हद्दीत 24 तासांत आत्महत्येची ही दुसरी घटना आहे. यापूर्वी गुरुवारी (26 नोव्हेंबर 2025) देखील एका 19 वर्षीय तरुणीने पाचव्या मजल्यावरून उडी मारून आत्महत्या केली होती. तिच्याजवळ सापडलेल्या सुसाइड नोटमध्ये तिने, 'ती तिच्या घरच्यांसाठी योग्य नाही, म्हणून हे पाऊल उचलत आहे,' असे लिहिले केले होते. सलग दोन आत्महत्येच्या घटनांमुळे पुणे शहरात खळबळ उडाली आहे.
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
Track Latest News Live on Marathi.NDTV.com and get news updates from India and around the world
