- पंजाबमधील लुधियानामध्ये एका हॉटेलच्या खोलीत अविवाहित अमित आणि विवाहित रेखा यांच्यात वाद झाला.
- शरीरसंबंध सुरू असताना अमितने लग्न न करण्याची इच्छा व्यक्त केली आणि साखरपुडा झाल्याची माहिती रेखाला दिली होती
- रेखा रागातून कटरने अमितच्या गुप्तांगाला वार केला, त्यानंतर अमितने तिला मारहाण केली.
विवाहीत प्रेयसीला घेवून अविवाहीत प्रियकर लॉजवर गेला होता. दोघांमध्ये शरिरसंबंध ही झाले. पण त्यानंतर त्या लॉजच्या रूममध्ये जे काही घडले त्यांने सर्वच जण हादरून गेले होते. असं काही त्या रूममध्ये होईल याची कल्पना त्या दोघांनीही केली नव्हती. ही घटना पंजाबमधील लुधियाना येथे घडली. एका हॉटेलच्या खोलीत प्रेमी युगुल गेलं होतं. तिथे त्यांच्या शरिरसंबंधही झाले. त्याच वेळी या दोघांमध्ये वाद झाला. हा वाद इतका टोकाला गेला की नको तोट प्रकार त्या बंद खोलीत घडला. ज्यावेळी हा प्रकार उघड झाला त्यावेळी सर्वच जण हादरून गेले.
त्या रूममध्ये काय घडले?
बुधवारी दुपारी साडेबारा वाजण्याच्या सुमारास अमित आणि त्याची प्रेयसी रेखा लुधियानातील इंडो अमेरिकन हॉटेलमधील रूम नंबर 203 मध्ये पोहोचले. अमितने ओळखपत्रे दाखवून खोली बुक केली होती. प्रेयसी रेखा ही विवाहित होती. तिला दोन मुले आहेत. तिचे पतीसोबत पटत नसल्याने ती वेगळी राहत होती. शिवाय ती नर्सिंगचे काम करत होती. तर अविवाहित असलेला अमित एम्ब्रॉयडरीचे काम करतो. तो त्याच्याजवळ नेहमी एक कटर ठेवत होता.
शरिर संबंध सुरू असतानाच...
त्या लॉजवर हे दोघे ही शरिर संबंधासाठी गेले होते. शरीर संबंध सुरू असताना रेखानं अमितकडे लग्नाचा विषय काढला होता. पण अमित लग्न करण्याचे टाळत होता. अमितला तिच्यासोबत लग्न करायचे नव्हते. त्याने टाळाटाळ केली, पण रेखा त्याचे काही ऐकण्यास तयार नव्हती. याचवेळी अमितने एक महत्त्वाची गोष्ट तिला सांगितली. त्याने रेखाला सांगितले की आपला साखरपुडा झाला आहे. त्या तरुणीशी आपण लग्न करणार आहोत. कुटुंबियांच्या सांगण्यानुसार लग्न करावे लागणार आहे. आपल्यावर दबाव आहे असं ही त्याने रेखाला सांगितलं.
नक्की वाचा - Latur News: पैशाची हाव, हत्येचा बनाव! एक चुक नडली अन् भयंकर षडयंत्राचा पर्दाफाश
भयंकर काडं
हे ऐकून रेखा प्रचंड संतापली. तिने त्याच अवस्थेत अमितला शिवीगाळ सुरू केली. आपली फसवणूक झाली आहे याची भावना तिच्या मनात निर्माण झाली. रागाच्या भरात तिने शेजारी ठेवलेला कटर उचलला. त्यानंतर तिने त्याच्या सहाय्याने अमितच्या गुप्तांगावर वार केला. त्यात अमित गंभीर जखमी झाला. दुसऱ्यांदा वार करण्याच्या प्रयत्नात अमितने रेखाचा हात धरत स्वत:चा बचाव केला. त्याने तिच्या चेहऱ्यावर ठोसे मारण्यास सुरुवात केली. तिच्या नाकातोंडातून रक्तस्राव सुरू झाला. त्यानंतर अमितने तिला जमिनीवर आपटले. तिचा गळा दाबला. त्यात तिचा जागीच मृत्यू झाला.
हत्येनंतर हॉटेलमधून पलायन
रेखाची हत्या केल्यानंतर अमित घाईघाईने पँट घालून खोलीतून बाहेर पडला. हॉटेल कर्मचाऱ्यांनी विचारले असता, त्याने 'जेवण आणायला जात आहे' असे सांगितले. मात्र, त्याला झालेले रक्तस्राव आणि त्याची घाई पाहून कर्मचाऱ्यांना संशय आला. अमितने हॉटेलमधून थेट सीएमसी रुग्णालय गाठले. जिथून त्याला पुढील उपचारासाठी पीजीआयला रेफर करण्यात आले आहे. अमित बराच वेळ परत न आल्यामुळे हॉटेल कर्मचाऱ्यांचा संशय वाढला. त्यांनी रूम नंबर 203 मध्ये जाऊन पाहिलं असता, बेडवर रेखाचा अर्धनग्न अवस्थेतील मृतदेह आढळून आला. तातडीने पोलिसांना घटनेची माहिती देण्यात आली.पोलीस घटनास्थळी पोहोचले. त्यानंतर त्यांनी अमितला ही अटक केली.
Track Latest News Live on Marathi.NDTV.com and get news updates from India and around the world
