Couple Death: कारमध्ये कपल 'आऊट ऑफ कंट्रोल'! रोमान्स सुरु असतानाच एक चूक नडली.. दोघांचाही मृत्यू

Brazil Couple Death in Car Accident: उंच टेकडीवर कार पार्क करुन रोमान्स करत असलेल्या जोडप्याचा मृत्यू झाल्याची धक्कादायक घटना समोर आली आहे. रात्रीच्या वेळी शरीरसंबंध सुरु असतानाच गाडी पुढे सरकली अन् थेट दरीत कोसळली. या दुर्घटनेत कारमधील तरुण- तरुणीचा जागीच मृत्यू झाला. ब्राझीलमध्ये ही धक्कादायक घटना घडली आहे. 

नेमकं काय घडलं?

समोर आलेल्या माहितीनुसार, ब्राझीलमधील वेंडा नोव्हा डो इमिग्रांटे शहरालगत १३०० फूट उंच दरीच्या किनाऱ्यावर थांबलेल्या एका जोडप्याचा कार दरीत कोसळून दुर्दैवी मृत्यू झाला आहे. रात्रीच्या वेळी ही घटना घडली, जेव्हा कार अचानक दरीमध्ये खाली घसरली. पोलिसांनी दिलेल्या माहितीनुसार, कारमध्ये सुरू असलेल्या जोरदार हालचालींमुळे गाडी पुढे सरकली आणि ती अनियंत्रित झाली. मध्यरात्री सुमारे १ वाजता ही कार खोल दरीमध्ये कोसळली.

Mumbai News: मृत तरुणी सापडली जिवंत, बहिणीला मिळाला होता मृत अवस्थेतील फोटो,तपासात धक्कादायक खुलासा

गाडी दरीत कोसळली, दोघांचाही मृत्यू

 गाडी इतक्या भयंकरपणे दरीत कोसळली की  त्यातील पुरुष आणि महिला दोघेही नग्न अवस्थेत सुमारे १०० मीटर खाली फेकले गेले. त्यांचे मृतदेह आणि कार दोन्ही एका खासगी जागेत आढळले. मृतांमध्ये ४२ वर्षीय पुरुष आणि २६ वर्षीय महिलेचा समावेश होता. स्थानिक पोलीस अधिकारी अल्बर्टो रोक परेस यांनी प्रसारमाध्यमांना सांगितले की, अपघाताच्या ठिकाणी कोणत्याही प्रकारची हिंसा किंवा मारामारीचे कोणतेही चिन्ह आढळले नाहीत. 

तसेच, कारचा हँडब्रेक लावलेला होता, यावरून हा अपघात जाणूनबुजून केलेला नाही, हे स्पष्ट होते. कारच्या आत झालेल्या हालचालींमुळे ती जागेवरून सरकली आणि दरीत कोसळली असा पोलिसांचा प्राथमिक अंदाज आहे. मृत व्यक्ती मारकोन डा सिल्वा कार्डोसो हे मशीन ऑपरेटर म्हणून काम करत होते, तर त्यांची पार्टनर अड्रियाना माचाडो रिबेरो त्यांच्या आईच्या बेकरीत काम करत होत्या. हे दोघे गेल्या सहा महिन्यांपासून एकत्र होते आणि त्यांच्या नात्यात कोणत्याही प्रकारचा वाद किंवा भांडण नव्हते. अड्रियाना यांच्या पश्चात त्यांचा एक मुलगा आणि एक मुलगी आहे.

सकाळच्या वेळी, सुमारे ७ वाजता एका कर्मचाऱ्याने दोघांचे मृतदेह आणि कारची बिकट अवस्था पाहिली. फायरब्रिगेडच्या कर्मचाऱ्यांना उभ्या कड्यावरून खाली उतरून मृतदेह काढताना खूप अडचणी आल्या. मारकोन यांचा मृतदेह दरीच्या तळाशी आढळला, तर अड्रियाना यांचा मृतदेह त्याहून खोल ठिकाणी आढळला. पोलीस सध्या या प्रकरणाचा तपास करत असून, या घटनेला एक दुर्दैवी अपघात मानले जात आहे. बाह्य कारण किंवा गुन्ह्याऐवजी जोडप्याच्या स्वतःच्या कृतीमुळे घडलेली दुर्घटना हेच त्यांच्या मृत्यूचे प्राथमिक कारण मानले जात आहे.