जळगावच्या चाळीसगाव येथील कन्नड घाटाच्या पायथ्याशी पिकअप वाहनाचा भीषण अपघात झाला आहे. या भीषण अपघातात तीन प्रवासी जागीच ठार झाले आहेत. तर पाच प्रवासी गंभीर झाले आहेत. इतर 7 ते 10 जण किरकोळ जखमी झाल्याची प्राथमिक माहिती समोर आली आहे. अपघातातील जखमी व मृत हे देवदर्शनासाठी गेले होते. तसेच ते पातोंडा गावातील एकाच परिवारातील सदस्य असल्याची माहिती समोर येत आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मृतांमध्ये दोन पुरुष आणि एका महिलेचा समावेश आहे. छत्रपती संभाजीनगरहून चाळीसगावकडे येत असताना पिकअप चालकाचा गाडीवरील ताबा सुटला. त्यानंतर वाहन वळणावरील कठड्याला जोरदार धडकले. या अपघातात तीन जण जागीच ठार झाल्याची प्राथमिक माहिती मिळत आहे.
ट्रेंडिंग बातमी - Waqf Bill: 'वक्फची जमीन सोडा, चीनने किती जमीन हडप केली सांगा' अखिलेश यादव भडकले
पाच जण गंभीर जखमी असून इतर 7 ते 10 जण किरकोळ जखमी आहेत. अपघाताची माहिती मिळताच चाळीसगाव पोलिस आणि ग्रामीण रुग्णालयाचे कर्मचारी घटनास्थळी पोहोचले. जखमींना तातडीने रुग्णालयात हलविण्यात येत आहे. दुसरीकडे, पोलिसांकडून घाटातील वाहतूक सुरळीत करण्याचे प्रयत्न सुरू आहेत.
ट्रेंडिंग बातमी - Beed News: अजित पवार बीडमध्ये, पण धनंजय मुंडे कुठे आहेत ? कारणासोबत ठिकाणही कळालं
या अपघातात तीन जण मृत झाल्याची माहिती चाळीसगाव ग्रामीण रुग्णालयाचे वैद्यकीय अधीक्षक डॉक्टर करंबळेकर यांनी दिली आहे. तर पाच जण गंभीर जखमी असल्याचेही त्यांनी सांगितले. दरम्यान मृतांचा आकडा वाढण्याची भीती व्यक्त केली जात आहे. दरम्यान अपघात झालेली व्यक्ती ह्या एकाच कुटुंबातील असल्याचं समोर येत आहे. याबाबत पोलिस अधिक माहित घेत आहे. जखमींवर तातडीने उपचार सुरू करण्यात आले आहेत.
