Malaika Arora Viral Video: बॉलिवूड अभिनेत्री मलायका अरोरा तिच्या खासगी जीवनामुळे कायम चर्चेत असते. नुकतेच मलायका डिनरसाठी घराबाहेर पडली होती. नेहमीप्रमाणे तिने सुंदर आणि हटके लुक कॅरी केला होता. मलायकाच्या लुक व्यतिरिक्त तिच्यासोबत असणाऱ्या तरुणाचीही चर्चा सुरू आहे.
(नक्की वाचा: मलायकासोबतच्या नात्यावर अर्जुन कपूरने पहिल्यांदा सोडले मौन, म्हणाला...)
सोशल मीडियावर सध्या मलायका अरोराचा एक व्हिडीओ तुफान व्हायरल होत आहे. रेस्टॉरंटमध्ये जात असताना मलायकाचे पाऊल अडखळल्याचे व्हिडीओमध्ये दिसत आहे. मलायका पडू नये म्हणून मित्र तिची पुरेपूर काळजी घेताना दिसतोय. तिचा हा मित्र कोण आहे? त्याचे नाव काय? तो काय करतो? अशा सर्व प्रश्नांचे उत्तर तिच्या चाहत्यांना जाणून घ्यायचे आहे. ज्या पद्धतीने हा तरुण मलायकाची काळजी घेतोय, त्याबाबत नेटकऱ्यांनी त्याचे कौतुक केले आहे.
(नक्की वाचा: युवानेत्यासोबत अफेअरच्या चर्चा, बोल्ड अभिनेत्रीच्या वडिलांना 25 लाखांचा गंडा)
मलायकाचा लुक
मलायका नेहमीच बोल्ड आणि हटके लुक कॅरी करत असते. मलायकाचा हा लुक साधा असला तरीही अतिशय स्टायलिश आणि सुंदर होता. तिने खाकी रंगाची पँट आणि त्यावर पांढऱ्या रंगाचे क्रॉप टॉप परिधान केले होते. या लुकवर तिने मेसी बन हेअरस्टाइल आणि मिनिमल मेकअप कॅरी केला होता.
मलायका अरोरा- अर्जुन कपूरचे ब्रेकअप
अर्जुन कपूरसोबत ब्रेकअप झाल्यानंतर मलायका अरोरा पहिल्यांदाच एखाद्या तरुणासोबत दिसली आहे. म्हणून चाहत्यांना तिच्या रिलेशनशिप स्टेटसची माहिती जाणून घ्यायची आहे. दरम्यान 'सिंघम अगेन'सिनेमाच्या प्रमोशनल इव्हेंटमध्ये अर्जुन कपूर त्याचे रिलेशनशिप स्टेटस सिंगल असल्याचे जाहीर केले होते. काही महिन्यांपासूनच अर्जुन-मलायकाच्या ब्रेकअपची चर्चा सुरू होती, पण दोघांनीही अधिकृतरित्या याबाबत कोणतीही प्रतिक्रिया दिली नव्हती.
