Deepika Padukone | SRK King Movie: बॉलिवूड अभिनेता शाहरुख खानचा बहुचर्चित आणि बहुप्रतीक्षित सिनेमा 'किंग'च्या चित्रिकरणास सुरुवात झालीय. शाहरुख खानच्या सिनेमामध्ये कोणकोण झळकणार याबाबत प्रेक्षकांना उत्सुकता होती. तर मंडळींनो तुमच्या प्रश्नाचे उत्तर स्वतः अभिनेत्रीनंच दिलंय. 'किंग' सिनेमामध्ये शाहरुखसोबत झळकणार असल्याचे सांगत अभिनेत्रीने खास पोस्टही शेअर केलीय. ही अभिनेत्री दुसरीतिसरी कोणी नसून बॉलिवूडची 'शांती' म्हणजेच दीपिका पादुकोण आहे.
मोठ्या सिनेमातून दीपिका पादुकोणची एक्झिट
दीपिका पादुकोण प्रभासच्या 'कल्कि 2898एडी' सिनेमाच्या सीक्वेलमधून बाहेर पडलीय. निर्मात्यांनी सोशल मीडिया पोस्टद्वारे याबाबतची माहिती प्रेक्षकांना 18 सप्टेंबर रोजी दिली. पोस्टमध्ये लिहिलं होतं की, दीपिका पादुकोण 'कल्कि 2898 एडी' सिनेमाच्या आगामी सीक्वेलचा भाग नसणारेय, अशी अधिकृत घोषणा करण्यात येतेय. विचारविनिमय केल्यानंतर आता आम्ही एकत्र काम करणार नाही, असा निर्णय घेण्यात आलाय. पहिल्या सिनेमाच्या प्रवासानंतरही आमच्यात कायमस्वरुपी भागीदारी होऊ शकली नाही. 'कल्कि 2898एडी' यासारख्या सिनेमांसाठी पूर्ण समर्पण आणि त्याहूनही अधिक वचनबद्धतेची आवश्यकता असते. दीपिकाला तिच्या भविष्यातील प्रोजेक्टसाठी शुभेच्छा."
निर्मात्यांच्या या पोस्टनंतर दीपिका पादुकोणच्या वचनबद्धतेबाबत प्रश्न उपस्थित होऊ लागले. पण दीपिकाने शांत राहणं पसंत केले. नुकतेच तिने सोशल मीडियावर शेअर केलेली पोस्ट व्हायरल होतेय आणि सर्वसामान्यांसह सेलिब्रिटीही तिला शुभेच्छा देत आहेत.
(नक्की वाचा: Deepika Padukone Dropped: दीपिकाला बड्या चित्रपटातून नारळ, कोण करणार रिप्लेस?)
(नक्की वाचा: Shah Rukh Khan: संपूर्ण सिनेमात स्कर्ट घालण्याची करणची अट, मग शाहरुखने काय केले?)
कल्किच्या निर्मात्यांना सूचक उत्तर? दीपिका पादुकोणची खास पोस्ट होतेय व्हायरल
दीपिका पादुकोणने शाहरुख खानचा हात पकडल्याचा फोटो इन्स्टाग्रामवर शेअर केलाय. या पोस्टला तिने सुंदर कॅप्शनही दिलंय. शाहरुख खानकडून शिकलेल्या शिकवणीचाही उल्लेख तिने पोस्टमध्ये केलाय. महत्त्वाचे म्हणजे तिने किंग सिनेमाच्या शुटिंगला सुरुवात केलीय. अभिनेत्री दीपिका पादुकोणने लिहिलंय की, "जवळपास 18 वर्षांपूर्वी ओम शांती ओमच्या शुटिंगदरम्यान त्याने मला पहिली शिकवण दिली की सिनेमा तयार करण्याचा अनुभव आणि तुम्ही ज्या लोकांसोबत तो करताय त्या गोष्टी यशापेक्षा जास्त महत्त्वाच्या असतात. मी त्याच्याशी पूर्णपणे सहमत आहे आणि तेव्हापासून मी माझ्या प्रत्येक निर्णयामध्ये ही गोष्ट लागू केलीय. म्हणूनच कदाचित आम्ही सहावा सिनेमा करतोय?" यासह तिने पोस्टमध्ये शाहरुख खान आणि दिग्दर्शक सिद्धार्थ आनंदला टॅग केलंय.
सिद्धार्थ आनंद शाहरुख खानच्या किंग सिनेमाचे दिग्दर्शन करतोय. या सिनेमामध्ये अभिषेक बच्चन, सुहाना खान, अभय वर्मा देखील झळकणार आहेत. तर राणी मुखर्जी पाहुण्या कलाकाराच्या भूमिकेत दिसणार असल्याचे म्हटलं जातंय.
