Hema Malini Video: बॉलिवूडचे ज्येष्ठ अभिनेते धर्मेंद्र यांचे 24 नोव्हेंबर रोजी निधन झाले. पण कुटुंबांसह चाहत्यांच्या हृदयामध्ये त्यांच्या आठवणी कायम जिवंत राहतील. धर्मेंद्र यांच्या निधनानंतर त्यांचे आणि हेमा मालिनींचे कित्येक जुने व्हिडीओ सोशल मीडियावर व्हायरल होत आहेत. या जोडप्याच्या कित्येक गोष्टी नव्याने समोर येत आहेत. एका मुलाखतीत हेमा यांनी त्यांची एक अशीच इच्छा पूर्ण केली जी कधीही पूर्ण होऊ शकली नाही.
एका मुलाखतीत अँकर हेमा मालिनी यांना रिअल फेमेनिस्ट म्हणून संबोधतात. व्हिडीओमध्ये त्या म्हणत आहेत की, तुम्ही फेमिनिझमचे आदर्श उदाहरण आहात, कारण लग्नानंतरही तुम्ही वेगळं आणि स्वतंत्र राहण्याचा निर्णय घेतला. पण अँकरच्या या विधानावर हेमा मालिनींची प्रतिक्रिया आश्चर्यचकित करणारी होती. हेमा म्हणाल्या की, ही माझी निवड नाहीय तर हा परिस्थितीमुळे घेतलेला निर्णय आहे.
धर्मेंद्र यांच्याशी लग्न केल्यानंतर हेमा मालिनी त्यांच्या घरामध्ये राहिल्या नाहीत तर आपल्या मुलींसोबत त्या वेगळ्या घरामध्ये राहिल्या. हेमा यांनी कित्येक मुलाखतींमध्ये म्हटलंय की, धर्मेंद्र यांच्या पहिल्या पत्नी प्रकाश कौर आणि त्यांच्या कुटुंबाला कोणत्याही प्रकारे त्रास द्यायचा नव्हता, म्हणून त्या वेगळ्या राहिल्या.
(नक्की वाचा: Dharmendra News: धर्मेंद्र यांचं दुसरं कुटुंब पूर्णपणे कोलमडलंय, त्या रडत होत्या... चाहतीने सांगितली हेमा मालिनींची परिस्थिती)
ही एक इच्छा पूर्ण होऊ शकली नाही...
व्हायरल व्हिडीओमध्ये हेमा यांनी परिस्थितीचा उल्लेख करत म्हटलं की, "प्रत्येक महिलेला पती, मुलं असं एकत्रित - आनंदी कुटुंब हवं असतं. पण धर्मेंद्र प्रत्येक क्षणी सोबत होते, त्यांनी त्यांची सर्व कर्तव्य पार पाडली आणि कोणालाही एकटे सोडले नाही".
(नक्की वाचा: Dharmendra: राहिल्या फक्त आठवणी...धर्मेंद्र यांच्या निधनानंतर हेमा मालिनींची पहिली प्रतिक्रिया, शेअर केले अतिशय खास फोटो)
