Rakhi Sawant : राखी सावंत होणार पाकिस्तानची सून ! कोण आहे 'ड्रामा क्वीन'चा भावी नवरा?

Rakhi Sawant Marriage : मनोरंजन क्षेत्रातील ड्रामा क्वीन अशी राखी सावंतची ओळख आहे. राखी नेहमी तिच्या वैयक्तिक आयुष्यातील घटना तसंच वादग्रस्त वक्तव्यामुळे चर्चेत असते. राखीनं यापूर्वी दोन लग्न केले आहेत. ही लग्न फार टिकली नाहीत. ती घटस्फोट घेऊन वेगळी झाली. त्यानंतर आता राखीनं तिसरं लग्न करण्याची तयारी सुरु केलीय. राखीनं स्वत:च ही माहिती दिली आहे. तिचा होणारा नवरा हा पाकिस्तानी आहे. त्यामुळे राखी लवकरच पाकिस्तानची सून होणार आहे.

('NDTV मराठी' चं अधिकृत व्हॉट्सअ‍ॅप चॅनल जॉईन करा )
 

कुणाशी करणार राखी लग्न?

पाकिस्तानी कलाकार आणि पोलीस अधिकारी डोडी खानच्या (Pakistani actor and police officer Dodi Khan) प्रेमात असल्याची कबुली राखीनं नुकतीच दिली होती.  मी त्याच्याशी लवकरच लग्न करणार असल्याचंही तिनं जाहीर केलं. न्यूज18 नं याबाबतचं वृत्त दिलं आहे.

'तो माझं प्रेम आहे. आम्ही एकमेकांवर प्रेम करतो. तो पाकिस्तानी तर मी भारतीय आहे. आमचा प्रेमविवाह असेल' असं राखीनं यावेळी सांगितलं. 

राखी नेहमीच तिची प्रेम प्रकरणं तसंच लग्नाच्या बातमीबाबत चर्चेत असते. या मुलाखतीमध्ये तिनं तिचा माजी नवरा अदील खान दुर्रानीवर टीका केली. तो माझ्याबाबत चुकीची माहिती पसरवत असल्याचा आरोप राखीनं केला. 

'आदिलचा माझ्या लग्नामुळे जळफळाट होत आहे. त्याला माझ्या नावाचा वापर करुन चुकीची प्रसिद्धी हवी आहे. मला त्या मुर्खाला कोणतीही प्रसिद्धी द्यायची नाही,' असं राखीनं या मुलाखतीमध्ये सांगितलं.

( नक्की वाचा : Mamta Kulkarni : ममता कुलकर्णी बनली किन्नर आखाड्याची महामंडलेश्वर, महाकुंभात केले पिंडदान, Video )

राखीचं होणार तिसरं लग्न

राखीनं यापूर्वी आदिल खान दुर्रानीशी लग्न केलं होतं. ते दोघं 2023 मध्ये वेगळे झाले. त्यानंतर राखीनं त्याच्यावर विवाहबाह्य संबंधांसह अनेक प्रकारचे आरोप केले होते. आदिलला 7 फेब्रुवारी 2023 रोजी अटक करण्यात आली होती. पाच महिने तुरुंगात घालवल्यानंतर त्याची सुटका झाली. 

आदिलपूर्वी राखीनं रितेश राज सिंगशी लग्न केलं होतं. ते दोघं बिग बॉस 15 मध्ये स्पर्धक म्हणून सहभागी झाले होते. हा कार्यक्रम संपल्यानंतर काही दिवसांमध्येच ते वेगळे झाले. फेब्रुवारी 2022 मध्ये राखीनं रितेशपासून घटस्फोट घेतला.

( नक्की वाचा : Vinod Kambli विनोद कांबळीला घटस्फोट देणार होती पत्नी, निर्णय बदलण्याचं कारण वाचून वाटेल अभिमान )

कोण आहे राखीचा तिसरा नवरा?

डोडी खान हा फक्त कलाकार नसून पोलीस अधिकारी देखील आहे. तो पाकिस्तानच्या उद्योजक परिवारातील आहे. डोडी सोशल मीडियावर नेहमी सक्रीय असतो. त्यानं इन्स्टाग्राम बायोमध्ये स्वत:चं वर्णन कलाकार, मॉडेल, पब्लिक फिगर आणि फिटनेस फ्रिक' असं केलं आहे. पाकिस्तानी कलाकार म्हणून प्रसिद्ध असलेल्या डोडीची बॉलिवूडमध्ये काम करण्याची इच्छा आहे. 

डोडी संजय दत्त आणि सलमान खान या अभिनेत्यांचा फॅन आहे. माझ्यावर संजय दत्तचा खूप प्रभाव आहे. त्याच्या आयुष्यानं मला खूप प्रेरणा दिली, असं त्यानं एका मुलाखतीमध्ये सांगितलं होतं. सलमान खानच्या धर्मादाय कामामुळे मी खूप प्रभावित आहे. त्याच्या सेवाभावी कृत्यांनी अनेकांच्या आयुष्याला स्पर्श केला आहे, अनेक कुटुंबांना आनंद आणि आशा दिलीय, असं तो या मुलाखतीमध्ये म्हणाला आहे.

View this post on Instagram

A post shared by Dodi Khan (@dodi_khan)

कुठे होणार लग्न?

राखी आणि डोडी खान पाकिस्तानमध्ये इस्लामी पद्धतीनं लग्न करणार आहेत. या लग्नाचं रिस्पेशन भारतामध्ये होईल. राखीनंच ही माहिती दिली आहे. ते स्वित्झर्लंड किंवा नेदरलँड्समध्ये हानीमून करण्याची त्यांची योजना आहे.