2025 हे वर्ष संपत असताना, भारतीय चित्रपटसृष्टीत एक स्पष्ट बदल दिसून आला. जिथे केवळ स्टारडम (Stardom) नाही, तर खरा अभिनय, विश्वास आणि भूमिकेवर लक्ष केंद्रित करण्यात आले. हे वर्ष अशा कलाकारांचे ठरले, ज्यांनी वेगळ्या आणि आव्हानात्मक भूमिका निवडल्या. आपल्या नेहमीच्या प्रतिमेतून बाहेर पडले आणि असे परफॉर्मन्स (Performance) दिले, जे चित्रपट संपल्यावरही लक्षात राहिले. पीरियड चित्रपटांपासून (Period Films) आजच्या भावनिक कथांपर्यंत, या अभिनेत्यांनी निःसंशयपणे स्वतःला या वर्षातील खास कलाकार म्हणून सिद्ध केले आहे.
रश्मिका मंदाना आणि यामी गौतमची दमदार कामगिरी
'छावा' आणि 'द गर्लफ्रेंड' या चित्रपटांमुळे अभिनेत्री रश्मिका मंदानासाठी हे वर्ष खूप खास ठरले. 'छावा'मध्ये तिने आक्रमक आणि गंभीर कथानकादरम्यान आपल्या भूमिकेला मजबुतीने साकारले. ज्यात भावनांमध्ये ताकद आणि संतुलन स्पष्टपणे दिसले. तर, 'द गर्लफ्रेंड'मध्ये रश्मिकाने एक पूर्णपणे वेगळे आणि संयमी सुंदर रूप दाखवले. ज्यात तिने आजच्या नात्यांना सत्य आणि साधेपणाने सादर केले. या दोन्ही चित्रपटांनी दाखवून दिले की, रश्मिका आता अधिक आत्मविश्वासाने समोरी जात आहे. शिवाय ती चित्रपटांची विचारपूर्वक निवड करते. यासोबत धूम धाम आणि हकमध्ये यामी गौतमीने आपल्या भूमीकेची सर्वांनाच दखल घ्यायला भाग पाडले आहे.
पुरुष कलाकारांची छाप
'धुरंधर'मध्ये रणवीर सिंगने आपल्या आतापर्यंतच्या सर्वात दमदार अभिनयांपैकी एक दिला. त्याने मोठ्या स्वप्नांनी भरलेली आणि आतून संघर्ष करणारी भूमिका साकारली. सामान्यतः आपल्या जबरदस्त ऊर्जेच्या भूमिकांसाठी ओळखल्या जाणाऱ्या रणवीरने यावेळी संयमित क्रोधी अभिनयाने आणि अचूक भावनांनी सर्वांना चकित केले. 'छावा'मध्ये विक्की कौशलचा अभिनय शारीरिक मेहनत आणि जबरदस्त भावनांनी भरलेला होता. त्याने ऐतिहासिक पात्राला मानवी कमकुवतपणासह सादर केले, ज्यामुळे हा या वर्षातील सर्वोत्कृष्ट परफॉर्मन्स ठरला.
ऋषभ शेट्टीने 'कांतारा चॅप्टर 1' मध्ये सांस्कृतिक आणि आध्यात्मिक भावनांचा मिलाफ साधणारा अभिनय केला. तर फरहान अख्तरने '120 बहादुर' मध्ये सहज आणि प्रेरणादायी हिरोची भूमिका केली. 'तेरे इश्क़ में' मध्ये कृती सेननने भावनिक अभिनयाने प्रेक्षकांचे मन जिंकले. तसेच, 'दे दे प्यार दे 2' मध्ये रकुल प्रीत सिंहने 'आयशा'च्या भूमिकेत आकर्षण, आत्मविश्वास आणि स्पष्ट भावनांचा चांगला समन्वय साधला. विजय वर्माने 'गुस्ताख इश्क़' मध्ये 'लव्हर-बॉय' (Lover Boy) ची भूमिका करून आपल्या अभिनयाची वेगळी बाजू दाखवली. 2025 ने हे सिद्ध केले की, प्रभावी सिनेमा तोच असतो, जो निर्भीड, खरा आणि भावनांशी जोडलेल्या परफॉर्मन्सवर आधारित असतो. या कलाकारांनी केवळ त्यांच्या चित्रपटांमुळेच नव्हे, तर कथाकथन आणि स्क्रीनवरील उपस्थितीचे नवीन मापदंड निश्चित केले आहेत.
