Who is Aishwarya Harishankar: सोशल मीडियावर सध्या माझ्या सोन्या गाण्याने धुमाकूळ घातला आहे. अत्यंत कमी वेळात हे गाणे जोरदार व्हायरल होत आहे. या गाण्यामधील कलाकार ऐश्वर्या हरिशंकरने नेटकऱ्यांना चांगलीच भुरळ घातली आहे. माझ्या सोन्यामधून वेड लावणारी ऐश्वर्या नेमकी कोण आहे? जाणून घ्या.
Success Story: 18 लाखांची नोकरी सोडली, गावातच थाटला 'हा' व्यवसाय; आता लाखोंची कमाई!
कोण आहे व्हायरल गर्ल?
डिजिटल कंटेंट क्रिएटर ऐश्वर्या हरिशंकर सध्या चांगल्याच चर्चेत आहेत. अमेरिकेतील डेट्रॉईट (मिशिगन) येथे जन्मलेल्या आणि पुण्यात वाढलेल्या ऐश्वर्याने अवघ्या २१व्या वर्षी अभिनय, चित्रपट निर्मिती आणि सोशल मीडिया या तिन्ही क्षेत्रांमध्ये उल्लेखनीय यश मिळवले आहे. गेल्या तीन वर्षांत ऐश्वर्याने मराठी आणि हिंदी मनोरंजनसृष्टीत अनेक महत्त्वाच्या प्रकल्पांमध्ये काम केले आहे. 'लाल बिंदी', 'माझ्या सोन्या' आणि 'लिपस्टिक' या लोकप्रिय मराठी म्युझिक व्हिडिओंमधील त्यांच्या अभिनयाने प्रेक्षकांची मनं जिंकली. त्याचबरोबर मराठी चित्रपट 'आधार कार्ड' मध्ये त्यांनी अभिनेत्री आणि निर्माती अशा दुहेरी भूमिकेत काम करत आपल्या बहुआयामी व्यक्तिमत्त्वाची झलक दाखवली. हिंदीतील 'Band Aid' आणि 'Hide and Seek' या प्रोजेक्टमधूनही त्यांनी आपली अभिनय क्षमता सिद्ध केली असून, लवकरच त्यांचे अनेक मराठी रॅप म्युझिक अल्बम प्रेक्षकांच्या भेटीला येणार आहेत.
अभिनयाबरोबरच ऐश्वर्या सोशल मीडियावरही प्रभावी व्यक्तिमत्त्व म्हणून ओळखल्या जातात. इन्स्टाग्रामवर त्यांचे १३ लाखांहून अधिक फॉलोअर्स असून यूट्यूबवर १.१७ लाखांहून अधिक सबस्क्राइबर्स आहेत. फॅशन, लाइफस्टाइल आणि मनोरंजनाशी संबंधित त्यांच्या कंटेंटला मोठ्या प्रमाणावर प्रतिसाद मिळत आहे. याच लोकप्रियतेमुळे Suta Bombay, Dabur Amla, Lakmé आणि Faces Canada यांसारख्या नामांकित ब्रँड्ससोबत त्यांनी यशस्वी सहकार्य केले असून, त्या डिजिटल इन्फ्लुएन्सर म्हणूनही वेगळी ओळख निर्माण करत आहेत.
सतत शिकण्याची वृत्ती, मेहनत, शिस्त आणि आपल्या कामावरील निष्ठा हीच यशाची गुरुकिल्ली असल्याचे ऐश्वर्या मानतात. अभिनय, चित्रपट निर्मिती आणि डिजिटल माध्यमांमध्ये सातत्याने नवीन संधी स्वीकारत त्या आपल्या करिअरला नवी दिशा देत आहेत. आगामी काळात त्यांच्या अनेक नव्या चित्रपट, म्युझिक व्हिडिओ आणि डिजिटल प्रोजेक्टची प्रेक्षकांना उत्सुकता असून, भारतीय मनोरंजन विश्वातील सर्वाधिक आशादायी युवा कलाकारांपैकी एक म्हणून ऐश्वर्या हरिशंकर यांच्याकडे इंडस्ट्रीचे लक्ष लागले आहे.
( नक्की वाचा : RSS ला पैसा नक्की कुठून मिळतो? गुरुदक्षिणेवर टॅक्स का लागत नाही? कसं चालतं संघाचं काम? वाचा सर्व माहिती )
Track Latest News Live on Marathi.NDTV.com and get news updates from India and around the world
