Health Insurance: भारतामध्ये आरोग्यसेवेचा खर्च सातत्याने वाढत असताना, आजही अनेक कुटुंबांना आरोग्य आणीबाणीच्या प्रसंगी स्वतःच्या दीर्घकालीन बचतीत किंवा निवृत्ती निधीत हात घालावा लागतो. विशेषतः मध्यम आणि उच्च मध्यमवर्गीय कुटुंबांसाठी अचानक उद्भवणारा वैद्यकीय खर्च हा मोठा आर्थिक ताण ठरत आहे. त्यामुळे आरोग्य विम्यामध्ये अधिक व्यापक कव्हरेज आणि कमी मर्यादा असलेल्या योजनांची गरज वाढत आहे. याच पार्श्वभूमीवर आरोग्य विमा क्षेत्रात काही कंपन्या अधिक लवचिक आणि सर्वसमावेशक कव्हरेज देण्याच्या दिशेने नवीन उत्पादने बाजारात आणत आहेत.
श्री हेल्थ सुरक्षा 2.0
या संदर्भात, बदलत्या आरोग्य गरजांना प्रतिसाद देत श्रीराम जनरल इन्शुरन्स कंपनीने ‘श्री हेल्थ सुरक्षा 2.0' या नवीन आरोग्य विमा योजनेची घोषणा केली आहे. अधिक लवचिकता आणि “सर्वसमावेशक” संरक्षण देण्याच्या उद्देशाने ही सुधारित हेल्थ इन्शुरन्स योजना तयार करण्यात आली आहे. पारंपरिक हेल्थ कव्हरमध्ये आढळणाऱ्या काही महत्त्वाच्या मर्यादा दूर करण्याचा या योजनेत प्रयत्न करण्यात आला आहे.
या पॉलिसीत रूम रेंटवरील सामान्य मर्यादा काढून टाकण्यात आल्या असून ‘अनलिमिटेड रिस्टोरेशन'चा पर्याय देण्यात आला आहे. तसेच क्लेम-फ्री वर्षांसाठी जास्त संचयी बोनसची तरतूद करण्यात आली आहे. आणीबाणीच्या परिस्थितीत केवळ अॅम्ब्युलन्सच नव्हे तर निवडलेल्या विमा रकमेपर्यंत एअर अॅम्ब्युलन्स खर्चाचे कव्हरेज देखील या योजनेत समाविष्ट आहे.
(नक्की वाचा: Kidney Failure: तुमची किडनी नीट काम करत नाहीय, हे तुम्हाला कसं कळेल? किडनी खराब होण्याची सुरुवातीची लक्षण काय आहेत?)
पारंपरिक मर्यादांवर उपाय
सामान्य हेल्थ इन्शुरन्स योजनांमध्ये रूम रेंट कॅप, को-पेमेंट किंवा काही उपचारांवरील मर्यादा असल्यामुळे रुग्णांना अनेकदा स्वतःच्या खिशातून अतिरिक्त खर्च करावा लागतो. अशा मर्यादा कमी करण्यावर नवीन पॉलिसी डिझाइनमध्ये भर देण्यात आला आहे. श्री हेल्थ सुरक्षा 2.0 मध्ये ‘नो को-पेमेंट' स्ट्रक्चर ठेवण्यात आले आहे, ज्यामुळे पॉलिसीधारकांना अनिवार्य खर्च-सामायिकरणाची अट राहत नाही. तसेच वैद्यकीय उपचारांदरम्यान लागणाऱ्या मेडिकल कंझ्युमेबल्सचे विस्तारित कव्हरेज देऊन खिशातून होणारा खर्च कमी करण्याचा प्रयत्न करण्यात आला आहे.
(नक्की वाचा: What Not To Eat With Alcohol : दारूसोबत चुकूनही या गोष्टींचे करू नका सेवन, अन्यथा होतील हे गंभीर परिणाम)
आरोग्यसेवेच्या बदलत्या स्वरूपाचा विचार करून या योजनेत आधुनिक वैद्यकीय उपचारांसोबत आयुष (AYUSH) उपचारांनाही कव्हरेज देण्यात आले आहे. त्यामुळे रुग्णांना विविध उपचारपद्धतींचा पर्याय उपलब्ध होऊ शकतो.
मध्यमवर्गासाठी महत्त्वाचा पर्यायआरोग्य क्षेत्रातील तज्ज्ञांच्या मते, वाढत्या वैद्यकीय महागाईच्या पार्श्वभूमीवर अशा प्रकारच्या व्यापक कव्हरेज असलेल्या योजनांमुळे मध्यमवर्गीय कुटुंबांना मोठ्या वैद्यकीय खर्चापासून आर्थिक संरक्षण मिळू शकते.
विशेषतः ज्या कुटुंबांकडे अचानक येणाऱ्या आरोग्य खर्चासाठी स्वतंत्र निधी नसतो, त्यांच्यासाठी अशा प्रकारचे विमा संरक्षण दीर्घकालीन आर्थिक सुरक्षिततेसाठी महत्त्वाचे ठरू शकते.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
