Union Budget 2025 LIVE Updates : देशाचा अर्थसंकल्प 2025-26 शनिवारी सादर होणार आहे. केंद्रीय अर्थमंत्री निर्मला सीतारमण शनिवारी सकाळी 11 वाजता एनडीए सरकारचा पहिला केंद्रीय अर्थसंकल्प 3.0 सादर करणार आहेत. अर्थमंत्री निर्मला सीतारामन सकाळी 8.30 वाजता नॉर्थ ब्लॉकसाठी त्यांचे निवासस्थान सोडतील. यानंतर अर्थमंत्री निर्मला सीतारामन बजेट टीमसोबत राष्ट्रपती भवनाकडे रवाना होतील. अर्थसंकल्पाची प्रत राष्ट्रपतींना सुपूर्द करतील. राष्ट्रपतींनी अर्थसंकल्पाला मंजुरी दिल्यानंतर त्या मंत्रालयात परततील आणि सकाळी 9 वाजता नॉर्थ ब्लॉकच्या गेट क्रमांक 2 वर फोटोशूट होईल. त्यानंतर संसद भवन संकुलात सकाळी 10.15 ते 10.40 च्या सुमारास पीएम नरेंद्र मोदींच्या अध्यक्षतेखाली केंद्रीय मंत्रिमंडळाची बैठक होईल आणि त्यात कॅबिनेटकडून अर्थसंकल्प मंजूर केला जाईल आणि तेथून अर्थमंत्री लोकसभेत पोहोचतील.
(Union Budget : करदात्यांपासून ते महिलांपर्यंत... Budget 2025 मधील 'या' 10 घोषणांकडे सर्वसामान्यांचं लक्ष )
Here are the Live Updates of Union Budget 2025:
Union Budget 2025 LIVE: 12 लाखांपर्यंतचं उत्पन्न करमुक्त, अर्थमंत्र्यांची मोठी घोषणा
- 12 लाखांपर्यंतच्या उत्पन्नावर कोणताही आयकर भरावा लागणार नाही
- पगारदार करदात्यांना 12.75 लाखांवर कोणताही आयकर द्यावा लागणार नाही
- मध्यमवर्गीय कर कमी करण्यासाठी नवीन कर रचना
- नवीन कर प्रणाली अंतर्गत 4 लाखांपर्यंतच्या उत्पन्नावर 0% कर
- अर्थमंत्री निर्मला सीतारमण
Budget 2025 Live: ज्येष्ठ नागरिकांसाठी टीडीएस मर्यादा 1 लाखापर्यंत वाढवली- अर्थमंत्री
- नवीन आयकर विधेयक स्पष्ट आणि थेट असेल, सध्याच्या आयकर कायद्याच्या जवळपास निम्म्या आकाराचे असेल
- नवीन आयकर कायदा सुलभ आणि समजण्यास सोपा असेल
- नवीन आयकर विधेयकामुळे TDS प्रक्रिया अधिक तर्कशुद्ध आणि सुटसुटीत केली जाईल
- ज्येष्ठ नागरिकांसाठी टीडीएस मर्यादा 1 लाखापर्यंत वाढवली
- भाड्यावर टीडीएससाठी 2.4 लाख रुपयांची वार्षिक मर्यादा 6 लाख रुपये करण्यात आली
- टॅक्स रिटर्न फाइल करण्यासाठीची मुदत 2 वर्षांवरून 4 वर्षांपर्यंत वाढवण्याचा प्रस्ताव
- अर्थमंत्री निर्मला सीतारमण
Budget 2025 Live: कोबाल्ट पावडर, लिथियम आयन बॅटरीचे स्क्रॅप कस्टम ड्युटीतून वगळणार - अर्थमंत्री
कॅन्सर, दुर्मिळ आजार, गंभीर आजारांसाठी 36 औषधे बेसिक कस्टम ड्युटीतून पूर्णपणे वगळली
कोबाल्ट पावडर, लिथियम आयन बॅटरीचे स्क्रॅप कस्टम ड्युटीतून वगळणार
- अर्थमंत्री निर्मला सीतारमण
Union Budget 2025 LIVE: विमा क्षेत्रात 100 टक्के थेट परदेशी गुंतवणुकीला (FDI) मंजुरी- अर्थमंत्री
विमा क्षेत्रात 100 टक्के थेट परदेशी गुंतवणुकीला (FDI) मंजुरी
अर्थमंत्री निर्मला सीतारमण यांची मोठी घोषणा
Budget 2025 Live: पुढच्या आढवड्यात नवे आयकर विधेयक सादर केले जाणार- अर्थमंत्री
- जमिनीच्या नोंदींचे आधुनिकीकरण करण्यासाठी राष्ट्रीय भू-स्थानिक मोहीम राबवणार
- 10 वर्षात करदात्यांसाठी अनेक बदल केले
- पुढच्या आढवड्यात नवे आयकर विधेयक सादर केले जाणार
- विमा क्षेत्रात 100 टक्के थेट परकीय गुंतवणुकीची मार्ग मोकळा
- पेन्शन उत्पादनांच्या नियामक समन्वयासाठी मंच स्थापन केला जाईल
- बिगर-वित्तीय क्षेत्रातील नियामक सुधारणांसाठी उच्चस्तरीय समिती स्थापन करण्यात येणार.
- जनविश्वास विधेयक 2.0 सादर केले जाणार
Union Budget 2025 LIVE: बिहारमध्ये नवे विमानतळ उभारले जाणार- अर्थमंत्री
- बिहारमध्ये नवे विमानतळ उभारले जाणार
- पुढील 10 वर्षांत उड्डाण योजनेत बदल करून 120 नवे ठिकाणे हवाई मार्गाने जोडली जाणार. यामुळे 4 कोटी प्रवासी वाढणार
- देशातील 50 पर्यटन स्थळे विकसित केली जाणार
- देशभरातील टॉप 50 पर्यटन स्थळे विकसित केली जाणार
- अर्थमंत्री निर्मला सीतारमण
Budget 2025 Live: राज्यांना मिळून 1.5 लाख कोटींची रक्कम 50 वर्षांसाठी व्याजमुक्त कर्ज - अर्थमंत्री
राज्यांना मिळून 1.5 लाख कोटींची रक्कम 50 वर्षांसाठी व्याजमुक्त कर्ज म्हणून दिली जाणार, विविध योजनांवर , पायाभूत सुविधांवर खर्च करण्यासाठी ही रक्कम दिली जाणार
- अर्थमंत्री निर्मला सीतारमण
Budget 2025 Live: सर्व सरकारी उच्च माध्यमिक शाळांना ब्रॉडबँड सुविधा मिळणार- अर्थमंत्री
- सगळ्या सरकारी उच्च माध्यमिक शाळांना ब्रॉडबँड सुविधा मिळणार
- डिजिटल पुस्तके उपलब्ध केली जाणार
- वैद्यकीय महाविद्यालयांमध्ये पुढील 5 वर्षात अतिरिक्त 75 हजार जागा उपलब्ध होणार
- यावर्षी 200 कॅन्सर केअर डे केअर सेंटर सुरू करणार
- कृत्रिम बुद्धीमत्ता (AI) प्रशिक्षणासाठी उत्कृष्टता केंद्रं स्थापन करणार, त्यासाठी 500 कोटी खर्चाची तरतूद करणार
- अर्थमंत्री निर्मला सीतारमण
India Budget 2025 Live: एसी. एसटी उद्योजक महिलांसाठी विशेष योजना- अर्थमंत्री
एसी. एसटी महिला उद्योजिका ज्या पहिल्यांदा उद्योगात येत आहेत, अशांसाठी विशेष योजना सुरू केली जाईल. त्यांना 2 कोटींपर्यंत कर्ज उपलब्ध करून दिले जाईल.
- अर्थमंत्री निर्मला सीतारमण
Budget 2025 Live: लघू उद्योगांसाठी 5 लाखांचा क्रेडिट कार्ड दिले जाणार- अर्थमंत्री
- MSME उद्योगांची लिमीट वाढवली जाणार
- नोंदणीकृत सूक्ष्म उपक्रमांसाठी 5 लाख रुपये मर्यादेसह कस्टमाईज्ड क्रेडिट कार्ड देणार
- स्टार्टअपसाठी 20 कोटींपर्यंत लोनची सुविधा
- अर्थमंत्री निर्मला सीतारण
Budget Live Updates : कापूस उत्पादन शेतकऱ्यांसाठी 5 वर्षांची योजना- अर्थमंत्री
- कापूस उत्पादन शेतकऱ्यांसाठी 5 वर्षांची योजना. सीफूड निर्यात 60 हजार कोटींवर पोहोचली आहे. युरियासाठी आत्मनिर्भरतेचे धोरण.
- किसान क्रेडिट कार्डची लिमीट 5 लाख
- कमी व्याजदरावर शेतकऱ्यांना 5 लाखांचं कर्ज मिळणार
- अर्थमंत्री निर्मला सीतारमण
Union Budget 2025 LIVE: कृषी, मध्यम आणि लघु उद्योग, गुंतवणूक आणि निर्यात ही विकासाची इंजिन- अर्थमंत्री
- कृषी, मध्यम आणि लघु उद्योग, गुंतवणूक आणि निर्यात ही विकासाची इंजिन आहेत. पीएम धन धान्य योजनेचा 1.5 कोटी शेतकऱ्यांना लाभ होईल. ग्रामीण भागात पुरेशा सुविधा उपलब्ध केल्या जातील जेणेकरून स्थलांतराची समस्या सुटू शकेल. धान्याबाबत स्वयंपूर्ण होण्याचा प्रयत्न
- यासाठी सहा वर्षांची मोहीम हाती घेतली जाईल. बिहारमध्ये मखाणा बोर्ड स्थापन केले जाईल. मखाणा उत्पादक शेतकऱ्यांना याचा फायदा होईल.
- अर्थमंत्री निर्मला सीतारमण
India Budget 2025 Live: शेतकरी, सर्वसामान्यांच्या अर्थशक्तीला वाढवण्याचा आमचा प्रयत्न : अर्थमंत्री
शेतकरी, सर्वसामान्यांच्या अर्थशक्तीला वाढवण्याचा आमचा प्रयत्न आहे. सर्वसमावेशन विकासावर सरकारचा भर असणार आहे. भारताची अर्थव्यवस्था जलद गदीने वाढणारी आहे. भारताची योग्यता आणि सामर्थ्य यावर विश्वास ठेवत राष्ट्राची वाटचाल सुरु आहे. मागील दहा वर्षात विकास आणि सुधारणांनी जगाला आकर्षित केलं आहे.
- अर्थमंत्री निर्मला सीतारमण
Union Budget 2025 Live Updates: अर्थमंत्री निर्मला सीतारमण यांच्या अर्थसंकल्पीय भाषणाला सुरुवात
अर्थमंत्री निर्मला सीतारमण यांच्या अर्थसंकल्पीय भाषणाला सुरुवात
Budget Live Updates : यंदाचा अर्थसंकल्प सर्वसामान्यांचं असेल- PM मोदी
यंदाचा अर्थसंकल्प सर्वसामान्यांचं असेल. गरीब, शेतकरी यांना अर्थसंकल्पातून खूफ आशा आहेत, अशी प्रतिक्रिया पंतप्रधान नरेंद्र मोदी यांनी मंत्रिमंडळ बैठकीनंतर दिली आहे.
Union Budget 2025 Live Updates: अर्थसंकल्पाला केंद्रीय मंत्रिमंडळाची मंजुरी
अर्थसंकल्पाला केंद्रीय मंत्रिमंडळाची मंजुरी
अर्थमंत्री निर्मला सीतारमण थोड्याच वेळात सादर करणार अर्थसंकल्प
Budget Live Updates : अर्थमंत्री निर्मला सीतारमण संसद भवन येथे पोहोचल्या
अर्थमंत्री निर्मला सीतारमण संसद भवन येथे पोहोचल्या
थोड्याच वेळात केंद्रीय मंत्रिमंडळ बैठकीत अर्थसंकल्पाला मिळणार मंजुरी
Budget 2025 Live : शेअर बाजारात उसळी, सेन्सेक्स उघडताच 800 अंकांनी वधारला
अर्थसंकल्पाच्या पार्श्वभूमीवर शेअर बाजारात उत्साहाचं वातावरण आहे. शेअर बाजारात उसळी सुरुवातीच्या सत्रात मोठी उसळी पाहायला मिळाली. सेन्सेक्स 800 अंकांनी वधारला.
Budget 2025 : केंद्रीय अर्थमंत्री निर्मला सीतारमण यांनी घेतली राष्ट्रपती द्रोपती मुर्मू यांची भेट
केंद्रीय अर्थमंत्री निर्मला सीतारमण यांनी घेतली राष्ट्रपती द्रोपदी मुर्मू यांची भेट
अर्थसंकल्पांची प्रत राष्ट्रपतींना केली सुपूर्द
सकाळी 10.15 वाजता मंत्रिमंडळ बैठक
Budget 2025 : अर्थमंत्री निर्मला सीतारमण राष्ट्रपती भवन येथे दाखल
अर्थमंत्री निर्मला सीतारमण राष्ट्रपती भवन येथे दाखल
Budget 2025 : अर्थमंत्री निर्मला सीतारमण यांचं टीमसोबत अर्थमंत्रालयाबाहेर फोटोसेशन
अर्थमंत्री निर्मला सीतारमण यांचं टीमसोबत अर्थमंत्रालयाबाहेर फोटोसेशन
केंद्रीय अर्थमंत्री निर्मला सीतारमण नॉर्थ ब्लॉकमध्ये पोहोचल्या
केंद्रीय अर्थमंत्री निर्मला सीतारमण या निवासस्थानातून नॉर्थ ब्लॉकमध्ये पोहोचल्या आहेत.
Live Updates of Union Budget 2025 : निर्मला सीतारमण आज आठव्यांदा अर्थसंकल्प सादर करणार
केंद्रीय अर्थमंत्री निर्मला सीतारमण आज आठव्यांदा अर्थसंकल्प सादर करणार आहेत. 'विकसित भारत' या उद्दिष्टांतर्गत मॅन्युफॅक्चर सेक्टरला बळकट करण्यावर सरकारचे मुख्य लक्ष असेल. याशिवाय मध्यमवर्गीयांना करात सवलत, आर्थिक समतोल राखण्यासाठी प्रयत्न केले जातील.
Live Updates of Union Budget 2025 : AI मुळे अनेकांच्या नोकऱ्या जाणार?
AI मुळे मध्यमवर्ग आणि गरीबांसाठी चिंता निर्माण होऊ शकते. बेरोजगारी वाढू शकते आणि त्यांचे वेतन घटू शकते. एआयमुळे होणाऱ्या बदलांमध्ये जे विपरित परिणाम होणार आहेत ते कमी कसे करता येतील याबाबत विचार होणे गरजेचे आहे, अशी चिंता आर्थिक सर्व्हेक्षणात व्यक्त करण्यात आली आहे.
Economic Survey : किरकोळ महागाईमध्ये दिलासा
आर्थिक सर्वेक्षणानुसार, किरकोळ महागाई आर्थिक वर्ष 2024 मधील 5.4 टक्क्यांवरून एप्रिल-डिसेंबर 2024 मध्ये 4.9 टक्क्यांपर्यंत घसरली आहे. रोजगार, स्वयंरोजगार आणि कामगार कल्याणाला चालना देण्यासाठी सरकारने अनेक उपाययोजना अंमलात आणल्या आहेत.
Economic Survey :आर्थिक पाहणी अहवालातील ठळक मुद्दे
- आर्थिक वर्ष 2025-2026 मध्ये भारताचा विकासदर 6.3 ते 6.8 टक्के राहील असा अंदाज आर्थिक सर्वेक्षण अहवालातून व्यक्त करण्यात आला आहे.
- जीडीपीबाबतच्या पूर्वीच्या अंदाजानुसार आर्थिक वर्ष 2024-2025 मध्ये औद्योगिक वाढीचा दर 6.2 टक्के इतका राहिला होता.
- एप्रिल ते डिसेंबर 2024मध्ये महागाई दर 4.9 टक्के इतका होता.
- FY25 च्या चौथ्या तिमाहीमध्ये महागाई कमी होईल असा अंदाज आहे.
Live Updates of Union Budget 2025 Women : महिला सक्षमीकरणासाठी मोठ्या निधीची तरतूद?
सरकारने 2024-2025 च्या अर्थसंकल्पात महिला सक्षमीकरणासाठी 3 लाख कोटी रुपयांची तरतूद केली होती. यावेळी सरकार या बजेटमध्ये वाढ करेल, अशी महिलांना आशा आहे.
Live Updates of Union Budget 2025 Farmer : किसान क्रेडिट कार्डवरील कर्ज मर्यादा वाढण्याची शक्यता
सरकार MSP बाबतही घोषणा करू शकते. त्याचप्रमाणे, सरकार किसान क्रेडिट कार्डवरील कर्ज मर्यादा 3 लाख रुपयांवरून 5 लाख रुपयांपर्यंत वाढवू शकते.
Live Updates of Union Budget 2025 Farmer : पीएम किसान योजनाचा निधी वाढण्याची शक्यता
केंद्र सरकार अर्थसंकल्पात शेतकऱ्यांबाबत मोठी घोषणा करू शकते. शेतकऱ्यांचे उत्पन्न वाढवण्यासाठी पंतप्रधान मोदी प्रयत्नशील आहेत. अशा परिस्थितीत केंद्र सरकार पीएम किसान सन्मान निधीमध्ये वाढ करू शकते.
