Idli Dosa Batter Poisoning: अहमदाबादच्या चंदखेडा भागात तयारी इडली डोसा बॅटर आणून खाल्ल्याने दोन मुलींचा मृत्यू झाल्याची दुर्दैवी घटना घडली आहे. दुसरीकडे या मुलींचे पालकही रुग्णालयात दाखल असून त्यांचीही प्रकृती नाजूक आहे. डोश्याच्या पिठातून विषबाधा झाल्याने हा प्रकार घडल्याचं सांगण्यात येत आहे. मात्र पोलिसांना याप्रकरणात वेगळीच शंका असून तीन महिन्यांच्या दुध पिणाऱ्या चिमुकलीचाही मृत्यू झाल्याने संशय व्यक्त केला असून तिचा मृतदेह उकरुन शवविच्छेदनासाठी पाठवण्यात आला आहे.
Ashok Kharat Case: 20-50 रुपयात विकले जात होते व्हिडीओ! अशोक खरात प्रकरणात धक्कादायक माहिती उघड
डोसा खाल्ल्याने दोन मुलींचा मृत्यू? प्रकरणाचे गुढ वाढले!
अहमदाबादमध्ये विकतच्या पिठापासून डोसा खाल्ल्याने दोन बहिणींचा मृत्यू झाल्याचे प्रकरणात नवीन ट्वीस्ट निर्माण झाला आहे. डोसा खाल्ल्याने दोन मुलींचा मृत्यू झाला असून आई-वडील मृत्यूशी झुंज देत आहेत. या प्रकरणातील सर्वात धक्कादायक मृत्यू राही नावाच्या एका लहान मुलीचा आहे, जी अजून आहार घेत नव्हती. तिने हे पीठ कसे खाल्ले हा प्रश्न आहे. आता या प्रकरणातील एक महत्त्वाचा टप्पा म्हणून अडीच महिन्यांच्या राहीचा मृतदेह न्यायवैद्यक शवविच्छेदनासाठी बाहेर काढण्यात आला आहे. मृत्यूचे नेमके कारण शोधण्याचा प्रयत्न पथक करत आहे. तसेच, संशयित पिठाशी संबंधित कोणतेही विषारी पदार्थ मुलीच्या शरीरात होते का, याचा तपास करणे हे देखील या पथकाचे उद्दिष्ट आहे.
महत्त्वाचं म्हणजे या दुकानदाराने त्यादिवशी जवळपास 100 ग्राहकांना हे पीठ दिले होते. त्यापैकी कोणाचीही अशी तक्रार आली नाही. तसेच दुकानातील पीठ बनवतानाचे आणि विक्रीचे सीसीटीव्ही फुटेजही त्यांनी पोलिसांकडे दिले आहेत. त्यादिवशी अनेकांना पीठ विकले होते मात्र दुसऱ्या कोणाचीही तक्रार आली नाही, त्यामुळे या प्रकरणाचे गुढ वाढत आहे. पोलीस याबाबतचा अधिक तपास करत आहेत.
पोलिसांकडून तपास सुरु
अहमदाबादमधील चांदखेडा पोलिसांनी अपघाती मृत्यूची नोंद करून तपास तीव्र केला आहे. आरोग्य विभाग सध्या डेअरीमधून जप्त केलेल्या अनेक नमुन्यांची तपासणी करत आहे. वरिष्ठ अधिकाऱ्यांनी सांगितले की, मुलाच्या शवविच्छेदनाचा वैज्ञानिक अहवाल आणि न्यायवैद्यक प्रयोगशाळेचा (FSL) अन्न चाचणी अहवाल पुढील कारवाईसाठी सर्वात महत्त्वाचा पुरावा असेल. मृत्यूचे कारण अन्न दूषित होणे होते की दुसरे काही, हे या प्रयोगशाळेच्या अहवालांमधून स्पष्ट झाल्यानंतरच या प्रकरणात कोणतीही ठोस कायदेशीर कारवाई केली जाईल.
