Rajasthan 1st Girls Sainik School: भारत सरकारच्या योजनेनुसार, देशातील पहिली मुलींची शाळा जैमलसर, बिकानेर येथे सुरू होणार आहे. राज्य सरकारने 2024-25 आणि 2025-26 मध्ये याची घोषणा केली होती. या शाळेत फक्त सहावी आणि नववीच्या वर्गात फक्त मुलींना प्रवेश मिळेल. तसेच प्रत्येकी वर्गात 80 मुलींना प्रवेश दिला जाईल.
( नक्की वाचा: महात्मा फुलेंना भारतरत्न देण्याच्या मागणीची भुजबळांनी काढली हवा, पवारांसमोर काय म्हणाले? )
सध्या राजस्थानमध्ये एकूण 9 शाळा सुरू करण्याची योजना आहे. श्रीगंगानगरमध्ये एक शाळा बांधली जाईल, जी एक सामान्य सैनिक शाळा असेल. सर्व 9 सैनिक शाळांमध्ये विज्ञान विद्याशाखेचे सर्व विषय शिकवण्याची व्यवस्था असेल. या शाळा वसतिगृह सुविधांनी पूर्णपणे सुसज्ज असतील. त्यांच्या परीक्षा राजस्थान माध्यमिक शिक्षण मंडळाद्वारे घेतल्या जातील.
बिकानेरचे भामाशाह आणि कोलकाता येथील पूनमचंद राठी (Poonam Chand Rathi) यांनी त्यांचे आईबाबा रामीदेवी आणि रामनारायण राठी यांच्या स्मरणार्थ राजस्थानच्या शिक्षण विभागाला देणगी पत्राद्वारे सरकारी कन्या सैनिक शाळा जयमलसरसाठी 108 कोटी रुपयांची मालमत्ता (जमीन आणि इमारत) दान केली आहे. 11 जुलै रोजी होणाऱ्या समारंभात बालिका सैनिक शाळेसाठी दान केलेल्या जमिनीचे आणि इमारतीचे कागदपत्रे औपचारिकपणे शिक्षण मंत्री मदन दिलावर यांच्याकडे सुपूर्द केली जातील. यासोबतच, जवळपासच्या ३०० हून अधिक गावांमध्ये वृक्षारोपण देखील केले जाईल. समारंभासाठी भव्य तयारी करण्यात आली आहे.
Bhikhari Thakur: भिकारी ठाकूर कोण आहेत ? भारतरत्न देण्याची होतेय मागणी
शाळेसाठी देणगी देणारे कोलकात्याचे व्यापारी पूनमचंद राठी म्हणाले की, ही शाळा 108 कोटी रुपये खर्चून बांधण्यात आली आहे. यासाठी त्यांना त्यांच्या पालकांकडून प्रेरणा मिळाली. ते म्हणाले की, प्रत्येकजण मुलांसाठी हे करतो. पण त्यांना वाटले की मुलींसाठीही काहीतरी केले पाहिजे, विशेषतः आता जेव्हा मुली सैन्यात भरती होत आहेत, तेव्हा त्यांना प्रशिक्षण देखील दिले पाहिजे.
बालिका सैनिक शाळेची प्रवेश परीक्षा कधी होणार?
प्रवेश परीक्षेसाठी जानेवारी 2026 मध्ये अर्जभरता येतील. प्रवेश परीक्षा एप्रिल 2026 मध्ये घेतली जाईल. त्याचवेळी त्याचा निकाल मेमध्ये येईल. सत्र 1जुलै 2026 पासून सुरू होईल. चित्तोडगड जिल्ह्यातील सैनिक शाळेच्या धर्तीवर शाळा चालवल्या जातील. शाळेचे मुख्याध्यापक आणि वसतिगृह वॉर्डन निवृत्त लष्करी अधिकारी असतील. इतर शिक्षक आणि शिक्षकेतर कर्मचारी राज्य सेवेत काम करणारे कर्मचारी असतील.
( नक्की वाचा: आणीबाणीत संजय गांधींची 'ती' कृती अन् शशी थरूर यांचा टीकेचा सूर, पण... )
राजस्थान सरकारच्या अर्थसंकल्पीय घोषणेनुसार, एकूण 8 जिल्ह्यांमध्ये बालिका सैनिक शाळा सुरू केल्या जातील आणि मिर्झावाला (श्रीगंगानगर) येथे एक सैनिक शाळा उघडली जाईल. बिकानेर, कोटा, जैसलमेर, अजमेर, अलवर, श्री गंगानगर येथे शाळा उघडल्या जातील. जिल्हाधिकाऱ्यांनी कोटा विभाग मुख्यालयातील रामगंजमंडी तहसीलच्या उंडवा येथे बालिका सैनिक शाळेच्या स्थापनेसाठी ४२ हेक्टर जमीन दिली आहे. शिक्षणमंत्री मदन दिलावर ११ जुलै २०२५ रोजी बिकानेर येथे शाळेचे भूमिपूजन करतील.
Track Latest News Live on Marathi.NDTV.com and get news updates from India and around the world
