ED Official Arrested : भ्रष्टाचारी आणि घोटाळेबाजांवर कारवाई करणाऱ्या अंमलबजावणी संचालनालयाचा (ED) अधिकारीच सीबीआयच्या जाळ्यात अडकला आहे. सीबीआयने ईडीचे उपसंचालक चिंतन रघुवंशी यांना भुवनेश्वरमध्ये व्यावसायिकाकडून 20 लाख रुपयांची लाच स्वीकारताना अटक केली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मिळालेल्या माहितीनुसार, अधिकाऱ्याने व्यावसायिकाकडून 5 कोटी रुपयांची लाच मागितली होती. मात्र 2 कोटी रुपये घेण्याचे निश्चित झाले. सीबीआयने सध्या ईडी अधिकाऱ्याला अटक केली आहे आणि पुढील चौकशी सुरू केली आहे.
मिळालेल्या माहितीनुसार, ईडी अधिकारी रघुवंशी यांनी एक प्रकरण मिटवण्यासाठी एका खाण व्यावसायिकाकडून 5 कोटी रुपयांची मागणी केली होती. जे नंतर 2 कोटी रुपयांवर ठरले. पहिला हप्ता म्हणून 20 लाख रुपये घेताना रघुवंशी सीबीआयच्या जाळ्यात अडकले. ही कारवाई ओडिशातील भुवनेश्वर येथे करण्यात आली.
(नक्की वाचा- हगवणे कुटुंबीयांना केलेली मदत भोवली? IPS जालिंदर सुपेकरांची ‘डाऊनग्रेड' बदली)
लाच घेताना पकडलेले चिंतन रघुवंशी हे भारतीय महसूल सेवेतील (IRS) अधिकारी आहे. त्यांच्याविरुद्ध तक्रार आल्यानंतर, सीबीआयने प्रथम सापळा रचला आणि नंतर त्यांना रंगेहाथ पकडले. सध्या त्यांना ताब्यात घेण्यात आले असून त्यांची चौकशी सुरु आहे. या कारवाईनंतर ईडीच्या विश्वासार्हतेवरही प्रश्नचिन्ह उपस्थित केले जात आहे.
नक्की वाचा : Ashadhi Wari : विम्याचा लाभ, टोलमाफी, वारकऱ्यांसाठी राज्य सरकारनं घेतले मोठे निर्णय )
ईडीच्या अधिकारांबाबत सर्वोच्च न्यायालयात आधीच एक याचिका दाखल करण्यात आली आहे. ज्याची सुनावणी न्यायालयातही सुरू आहे. सर्वोच्च न्यायालयाच्या निर्णयाबाबत ही याचिका दाखल करण्यात आली आहे. ज्यामध्ये ईडीच्या अधिकारांमध्ये कपात केल्याचा उल्लेख केला जात आहे. मनी लाँड्रिंग प्रकरणांच्या चौकशीसाठी ईडी ही एक महत्त्वाची आणि प्रभावशाली संस्था आहे.
(हेडलाइन वगळता या बातमीमध्ये एनडीटीव्ही टीमने काहीही बदल केलेले नाहीत. ही सिंडीकेट फीडद्वारे प्रकाशित करण्यात आली आहे.)
