Naxalites Attack : सुकमा येथे मोठा नक्षलवादी हल्ला, ASP आकाश राव गिरपुंजे शहीद

छत्तीसगडमधील सुकमा जिल्ह्यात आयईडी स्फोटात एएसपी आकाश राव गिरपुंजे शहीद झाले आहेत. याशिवाय एसडीओपी आणि टीआय जखमी झाले आहेत. कोटा येथून पाच किलोमीटर अंतरावर मुख्य रस्त्यावर आयईडी स्फोट झाल्याचं सांगितलं जात आहे. एएसपी अधिकारी आकाश काही जवानांना घेऊन जेसीबी जाळल्याची घटना पाहण्यासाठी गेले होते. या दरम्यान नक्षलवाद्यांच्या हल्ल्यात त्यांचा मृत्यू झाला. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )

सुकमा येथे नक्षलवाद्यांनी कंत्राटदाराच्या पोकेलिन मशीनला आग लावली होती. एसपी आकाश राव एसडीईओपी-टीआय इतर अधिकाऱ्यांसह घटनास्थळाची पाहणी करण्यासाठी आले होते. या दरम्यान, ते नक्षलवाद्यांच्या प्रेशर आयईडीचा बळी ठरले. स्फोटात एएसपी आकाश राव शहीद झाले आणि एसडीईओपी-टीआय जखमी झाले. सामुदायिक आरोग्य केंद्र सुकमा येथे उपचारानंतर जखमींना चांगल्या उपचारांसाठी पाठवण्याची तयारी सुरू आहे.

नक्की वाचा - CR Accident : बॅगेने घात केला, कसारा-CSMT फास्ट लोकलमधून पडून 5 प्रवाशांचा मृत्यू; दिवा-मुंब्रादरम्यान नेमकं काय घडलं?

छत्तीसगडचे मुख्यमंत्री विष्णुदेव साई यांनी सुकमा जिल्ह्यातील कोंटा येथे नक्षलवाद्यांनी केलेल्या भ्याड आयईडी स्फोटात शहीद झालेले एएसपी आकाश राव गिरपुंजे यांना शोक व्यक्त केला आणि श्रद्धांजली वाहिली.