Uttarakhand Accident : बद्रीनाथमध्ये बस दरीत कोसळली, 8 जणांचा मृत्यू

उत्तराखंडच्या रुद्रप्रयाग येथे बद्रीनाथ महामार्गावर भीषण अपघात झाला आहे. बस दरीत कोसळून झालेल्या अपघातात एकूण 8 प्रवाशांचा मृत्यू झाला आहे. बसमध्ये एकूण 17 जण प्रवास करत होते. घटनेची माहिती मिळतात, एसडीआरएफ आणि इतर यंत्रणा घटनास्थळी दाखल झाल्या असून बचावकार्य सुरु आहे. 

उत्तराखंडचे मुख्यमंत्री पुष्कर सिंह धामी यांना आपल्या एक्स अकाऊंटवरुन प्रशासनाला मदतीचे निर्देश दिले आहेत. "रुद्रप्रयाग येथीस घटना अत्यंत वेदनादायी आहे. स्थानिक प्रशासन आणि एसडीआरएफची टीम बचावकार्य करत आहेत. जखमींना जवळील रुग्णालयात दाखल करण्यात आलं आहे. जिल्हाधिकाऱ्यांनी देखील घटनेच्या तपासाचे आदेश दिले आहेत", असं मुख्यमंत्र्यांनी आपल्या ट्वीटमध्ये म्हटलं.