Ashadhi Ekadashi 2026 Date: हिंदू धर्मात एकादशीचे विशेष महत्त्व आहे. वर्षभरात एकूण 24 एकादशी येतात. त्यापैकी देवशयनी एकादशी ही सर्वात महत्त्वाच्या एकादशींपैकी एक मानली जाते. या दिवशी भगवान विष्णूंची विशेष पूजा केली जाते आणि भाविक पूर्ण श्रद्धेने व्रत करतात. धार्मिक मान्यतेनुसार, याच एकादशीपासून भगवान विष्णू चार महिन्यांसाठी योगनिद्रेत जातात. याचबरोबर चातुर्मासाची सुरुवातही होते. पण यंदा देवशयनी एकादशीच्या तारखेबाबत संभ्रमाचे वातावरण आहे. चला तर मग जाणून घेऊया देवशयनी एकादशी कधी आहे, तसेच पूजेचा शुभ मुहूर्त काय आहे.
एकादशी कधी आहे, 24 की 25 जुलै?
पंचांगानुसार आषाढ महिन्यातील शुक्ल पक्षाची एकादशी तिथी 24 जुलै रोजी सकाळी 9.13 वाजता सुरू होणार असून 25 जुलै रोजी सकाळी 11.35 वाजता तिथी समाप्त होईल. उदया तिथीनुसार देवशयनी एकादशीचे व्रत 25 जुलै 2026 (शनिवारी) पाळले जाईल.
एकादशीला पूजेचा शुभ मुहूर्त
- देवशयनी एकादशीच्या दिवशी ब्रह्म मुहूर्त पहाटे 4 वाजून 16 मिनिटांपासून ते पहाटे 4 वाजून 57 मिनिटांपर्यंत असेल.
- अभिजीत मुहूर्त दुपारी 12 वाजल्यापासून ते दुपारी 12 वाजून 55 मिनिटांपर्यंत राहील.
- संध्याकाळच्या पूजेची वेळ संध्याकाळी 7 वाजून 17 मिनिटांपासून ते रात्री 8 वाजून 19 मिनिटांपर्यंत असेल.
(नक्की वाचा: Ashadhi Ekadashi 2026: आषाढी एकादशीला करा फक्त 'हे' एक काम, मिळेल वर्षभराच्या 24 एकादशींचे पुण्य!)
देवशयनी एकादशी व्रताचे पारण कधी केले जाईल?
व्रताचे पारण दुसऱ्या दिवशी म्हणजेच 26 जुलै रोजी पहाटे 5 वाजून 38 मिनिटांपासून ते सकाळी 8 वाजून 22 मिनिटांच्या दरम्यान करणे शुभ राहील.
अशी मान्यता आहे की, देवशयनी एकादशीच्या दिवशी खऱ्या मनाने भगवान विष्णू आणि माता लक्ष्मीची पूजा केल्याने घरात सुख-समृद्धी येते आणि आयुष्यातील समस्या दूर होऊ लागतात. भाविक दिवसभर व्रत ठेवून भगवंताचे स्मरण करतात आणि दुसऱ्या दिवशी विधीवत व्रताचे पारण करतात.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
