Disadvantage of Eating litchi: बाजारात गेलं की सध्या लिची फळ सर्वत्र पाहायला मिळत आहे. लिची फळ दिसायला जिकतं आकर्षक आहे तितकंच ते चविष्ट देखील आहे. नुसते चविष्टच नाही तर हे फळ आरोग्यासाठीही खूप फायदेशीर असते. लिचीमध्ये आढळणाऱ्या पोषक तत्वांबद्दल बोलायचे झाले तर, ती अँटीऑक्सिडंट व्हिटॅमिन सी आणि व्हिटॅमिन बी-कॉम्प्लेक्सने समृद्ध असते.
लिचीमध्ये पॉलीफेनॉल आणि फायटोन्यूट्रिएंट फ्लेव्होनॉइड्स असतात. लिचीमध्ये फायबर आणि व्हिटॅमिन बी-कॉम्प्लेक्स, फॅट, प्रोटीन आणि कार्बोहायड्रेट्स भरपूर असतात जे आपल्या पचनक्रियेसाठी आवश्यक असतात. पण तुम्हाला माहिती आहे का की इतके पोषक तत्वे असूनही, लिचीचे सेवन काही लोकांसाठी हानिकारक असू शकते. चला जाणून घेऊया कोणत्या लोकांनी लिची खाऊ नये.
(नक्की वाचा - शक्ती वाढवण्यासाठी एक प्रभावी आयुर्वेदिक उपाय, पुरुष आणि महिलांसाठी फायदेशीर)
लिची खाण्याचे तोटे
>> लिचीमध्ये असे गुणधर्म असतात जे साखरेची पातळी कमी करण्यास मदत करतात. परंतु जास्त प्रमाणात सेवन केल्याने तुमच्या रक्तातील ग्लुकोजची पातळी कमी होऊ शकते. ज्यामुळे हायपोग्लाइसेमियाचा धोका वाढू शकतो.
>> लिची गोड आणि चवीला चविष्ट असते, परंतु लिचीचे स्वरूप उष्ण असते. त्यामुळे जास्त प्रमाणात सेवन केल्यास नाकातून रक्त येणे, घसा खवखवणे इत्यादी समस्या उद्भवू शकतात.
(नक्की वाचा- मधुमेहासह या आजारांसाठी औषधीय हिरवी पानं; सकाळी रिकाम्या पोटी खा आणि पाहा कमाल)
>> जर तुम्ही वजन कमी करण्याचा प्रयत्न करत असाल तर जास्त प्रमाणात लिची खाल्ल्याने वजन वाढू शकते. त्यात कॅलरीज जास्त असतात. त्यामुळे जास्त प्रमाणात लिची खाल्ल्याने वजन वाढू शकते.
>> लिचीच्या जास्त सेवनामुळे अनेकांना अ‍ॅलर्जी होऊ शकते. जर लिचीच्या सेवनामुळे अ‍ॅलर्जी झाली तर खाज सुटणे, ओठ आणि जीभ सुजणे यासारख्या समस्या उद्भवू शकतात.
