Garlic With Desi Ghee Health Benefits: आपल्या घरामध्येही आरोग्यासाठी पोषक असणाऱ्या कित्येक गोष्टी सहजरित्या आढळतात. लसूण आणि तूप हे देखील शरीरासाठी शक्तिशाली मिश्रण मानले जाते. तुपात लसूण फ्राय करून खाल्ल्यास आरोग्यास कोणकोणते फायदे मिळतील? जाणून घेऊया सविस्तर माहिती...
तूप आणि लसणाच्या मिश्रणास रामबाण औषध मानले जाते. लसणामध्ये अ‍ॅलिसिन नावाचे तत्त्व आहे, ज्यामध्ये अँटी-बॅक्टेरिअल आणि अँटी-इन्फ्लेमेटरी गुणधर्म आहेत. तुपासह लसूण खाल्ल्यास शरीरास असंख्य फायदे मिळतील.
तुपामध्ये लसूण फ्राय करून खाल्ल्यास मिळतील 5 जबरदस्त फायदे | Garlic With Desi Ghee Health Benefits
1. सांधेदुखी आणि सांध्यांवरील सूज (Joint and Bone Health)
तूप सांध्यांसाठी नैसर्गिक वंगणाप्रमाणे कार्य करते, यामुळे हाडांची हालचाल सहजरित्या होण्यास मदत मिळेल. लसणामध्ये अँटी-इन्फ्लेमेटरी गुणधर्म आहेत, ज्यामुळे सांध्यावरील सूज आणि वेदना कमी होण्यास मदत मिळते.
2. निरोगी हृदय
लसूण हृदयाच्या आरोग्यासाठी वरदान मानले जाते. रक्तदाब नियंत्रणात राहण्यास आणि खराब कोलेस्टेरॉलची पातळी कमी होण्यास मदत मिळते. तुपामध्ये हेल्दी फॅट्स असतात, जे लसणातील पोषकतत्त्व शोषून घेण्यास मदत करतात.
3. रोगप्रतिकारकशक्ती आणि सर्दी-खोकला
लसणातील अ‍ॅलिसिन हे तत्त्व नैसर्गिक अँटी-बायोटिकप्रमाणे कार्य करते, ज्यामुळे शरीराची रोगप्रतिकारकशक्ती मजबूत होण्यास मदत मिळते. तुपामुळे शरीराला उष्णता मिळते आणि लसणातील औषधी गुणधर्मांमुळे सर्दी, खोकला, कफची समस्या दूर होण्यास मदत मिळते.
(नक्की वाचा: Viparita Karani Mudra: भिंतीवर पाय ठेवून उलटं झोपल्यानं काय होतं? रोज 10 मिनिटं व्यायाम केल्यास मिळतील जबरदस्त फायदे)
4. पचनप्रक्रिया (Improved Digestion)लसणातील औषधी गुणधर्म आतड्यांमधील हानिकारक बॅक्टेरियांचा खात्मा करण्यास मदत करतात. तुपामुळे बद्धकोष्ठतेची समस्या दूर होण्यास मदत मिळेल आणि पचनप्रक्रिया सुधारेल.
(नक्की वाचा: Arthritis Remedies: हिवाळ्यात सांधे जास्त का दुखतात? वेदनांपासून सुटका मिळवण्यासाठी फॉलो करा 8 टिप्स)
5. थकवा दूर होईलतूप आणि लसणामुळे शरीराला ऊर्जा मिळेल. विशेषतः शारीरिक कमकुवतपणा दूर होईल आणि आजारांपासून शरीराचे संरक्षण होण्यास मदत मिळेल.
लसूण खाण्याची योग्य पद्धत- तीन ते चार लसूण सोलून छोट्या-छोट्या आकारात कापा.
- चमचाभर तुपामध्ये लसूण फ्राय करून घ्या
- लसूण व्यवस्थित भाजल्यानंतर थंड होऊ द्या. यानंतर लसूण चावून खा.
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
Track Latest News Live on Marathi.NDTV.com and get news updates from India and around the world
