Cooler Tips: तीव्र उष्णतेपासून दिलासा मिळावा यासाठी लोक कुलर किंवा एसीचा आधार घेतात. बहुतांश लोकांच्या घरामध्ये कुलरचा वापर केला जातो. पण अनेकदा कुलरच्या हवेसोबत विचित्र वासही येतो. माशांसारखा येणारा वास सर्वाधिक त्रासदायक ठरतो. खरं तर यामागील कारणं अतिशय साधी असतात. अनेक दिवसांपर्यंत तेच-तेच पाणी वापरणे, घाण झालेले कुलरचे पॅड्स आणि पाण्याच्या टाकीत साचलेली घाण ही या दुर्गंधीची मुख्य कारणं आहेत. पण काळजी करण्याची गरज नाही, काही साध्या उपायांनी देखील दुर्गंधी दूर केली जाऊ शकते आणि यासाठी जास्त पैसे खर्च करण्याचीही गरज नाही.
तुमच्या कुलरमधून माशांसारखा वास येत आहे का? तर यामागील कारणं आणि सोपे घरगुती उपाय जाणून घ्या...
कुलरमधील दुर्गंधी घालवण्याचे उपाय (Ways to Eliminate Odors from a Cooler)
1. कुलरचे पाणी बदला
जर कुलरमधील पाणी अनेक दिवसांपासून बदलले नसेल, तर सर्वात आधी ते पूर्णपणे रिकामे करून नवीन पाणी भरणे गरजेचे आहे. जुन्या पाण्यात अनेकदा बुरशी (Fungus) आणि जंतू तयार होतात, जे दुर्गंधीचे कारण ठरतात. पाणी बदलल्यामुळे या बॅक्टेरियापासून सुटका मिळेल आणि वास येणे थांबेल.
2. कुलरचे पॅड्स बदला
कुलरचे पॅड्स हे सुद्धा दुर्गंधीचे मोठे कारण असतात. पॅड्स वारंवार ओले आणि कोरडे झाल्यामुळे त्यात घाण साचते. अशा वेळी एकतर ते नीट धुवून घ्यावे किंवा गरज भासल्यास बदलून टाकावे. जर पॅड्स लगेच बदलणे शक्य नसेल, तर काही वेळ कडक उन्हात ठेवल्यानेही त्यातील बॅक्टेरिया कमी होऊ शकतात.
3. पाण्यात थोडे व्हिनेगर टाका
कुलरची दुर्गंधी दूर करण्याचा एक सोपा मार्ग म्हणजे पाण्यात थोडे पांढरे व्हिनेगर (White Vinegar) टाकणे. हे एका नैसर्गिक डिओडरायझरप्रमाणे काम करते, जे दुर्गंधी निर्माण करणाऱ्या बॅक्टेरियांना नष्ट करते आणि टाकीतील वास कमी करते.
Note: साधारणपणे एका बादली पाण्यात 1-2चमचे व्हिनेगर टाकणे पुरेसे ठरेल. कुलर सुरू करण्यापूर्वी टाकी हलकीशी स्वच्छ केली तर याचा परिणाम अधिक चांगला दिसून येतो.
(नक्की वाचा : Summer Food : मे महिन्यात चुकूनही 'या' 3 भाज्या खाऊ नका; उन्हाळ्यात कोणत्या भाज्या टाळाल, काय खायला हवं?)
4. कुलर परफ्यूमचा वापर
- आजकाल बाजारात विविध प्रकारचे 'कुलर परफ्यूम' मिळतात, ज्यांच्या सुगंधाने संपूर्ण खोली दरवळते.
- अनेक लोक लिंबू, संत्र्याची साल किंवा कडुलिंबाच्या पानांचाही वापर करतात.
- सुगंधासाठी हे उपाय चांगले असले तरी, ते स्वच्छतेला पर्याय ठरू शकत नाहीत. म्हणजेच तुम्हाला नियमितपणे कुलरची स्वच्छता करावीच लागेल.
काय टाळावे?
- कुलरमध्ये कधीही डिटर्जंट किंवा केमिकल पावडर टाकू नका. यामुळे कुलरच्या भागांचे नुकसान होऊ शकते, विशेषतः मोटर खराब होऊ शकते. तसेच हवेसोबत हे केमिकल्स संपूर्ण खोलीत पसरू शकतात जे आरोग्यासाठी हानिकारक आहे.
- थोडक्यात सांगायचे तर कुलरची दुर्गंधी ही काही मोठी समस्या नाही. योग्य स्वच्छता, वेळेवर पाणी बदलणे आणि व्हिनेगर यासारख्या सोप्या उपायांनी ती सहज दूर केली जाऊ शकते. यामुळे कुलरची हवा ताजी वाटते आणि उन्हाळ्यात अधिक चांगला थंडावा मिळतो.
Photo Credit: NDTV Marathi
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
Track Latest News Live on Marathi.NDTV.com and get news updates from India and around the world
