Trial Room Vs Home Mirror: तुम्हीही अनेकदा मॉलमध्ये शॉपिंगला गेला असाल? मॉलमध्ये शॉपिंग करताना आपल्याला एखादा ड्रेस आवडतो, आपण ट्रायल रुमध्ये ट्राय करतो तिथे तो एकदम सुंदर आपल्याला हवा तसा दिसतो.. मात्र ट्रायल रूममध्ये अगदी व्यवस्थित दिसणारा टी-शर्ट किंवा ड्रेस, घरी घातल्यावर रंगाने थोडा फिका वाटतो किंवा दुकानात दिसल्याप्रमाणे फिट होत नाही. असे का होते याचा तुम्ही कधी विचार केला आहे का? कपडे बदलतात का? नाही.. हा सर्व त्या ट्रायल रुममधील लाईटिंगचा खेळ आहे. नेमकं काय आहे यामागे कारण? जाणून घ्या...
Watermelon Capital: कोणतं शहर आहे भारताची 'वॉटरमेलन कॅपिटल'? उन्हाळ्यात सर्वत्र दिसतायत फक्त कलिंगड
ट्रायल रूममध्ये कपडे चांगले दिसण्याची कारणे
१. प्रकाशाचा खरा खेळ
मॉलमधील ट्रायल रूम्सचे निरीक्षण करा; तिथे सामान्यतः उबदार (वॉर्म) प्रकाशाचा वापर केला जातो. हा प्रकाश आरशाच्या बाजूने किंवा मागून येतो, वरून नाही. यामुळे तुमच्या चेहऱ्यावर आणि शरीरावर पडणाऱ्या सावल्या कमी होतात. यामुळे तुमची त्वचा अधिक तेजस्वी दिसते आणि कपड्यांचे रंग आकर्षक व आलिशान दिसतात. तथापि, जेव्हा आपण तेच कपडे घरी सामान्य ट्यूबलाइट किंवा पांढऱ्या प्रकाशात घालतो, तेव्हा खरे स्वरूप समोर येते.
२. आरशाची मांडणी
मॉल आणि दुकानांमध्ये वापरले जाणारे आरसे हे सामान्य आरसे नसतात. अनेकदा ते थोडे तिरके लावलेले असतात. जेव्हा आरसा खालच्या बाजूने किंचित पुढे आलेला असतो, तेव्हा तुमची उंची जास्त दिसते आणि तुम्ही बारीक दिसता. शिवाय, आजकाल अनेक ब्रँड्स 'स्लिमिंग मिरर्स' वापरतात, ज्यामुळे तुम्ही प्रत्यक्षात आहात त्यापेक्षा ५ ते १० टक्के अधिक फिट दिसता. जेव्हा तुम्ही स्वतःला इतके स्मार्ट दिसताना पाहता, तेव्हा तुमचा मेंदू ती वस्तू खरेदी करण्याचा संकेत लगेच देतो.
३. स्वच्छता
ट्रायल रूम नेहमी अत्यंत स्वच्छ आणि सुगंधित ठेवली जाते. तापमानही अगदी योग्य राखले जाते (एसीमुळे थंड). जेव्हा तुम्ही बाहेरच्या उकाड्यातून आणि गोंगाटातून येऊन त्या शांत आणि थंड वातावरणात एका परिपूर्ण आरशासमोर स्वतःला पाहता, तेव्हा तुम्हाला खूप छान वाटते. या मनःस्थितीत, साधे कपडेसुद्धा छान दिसू लागतात.
Track Latest News Live on Marathi.NDTV.com and get news updates from India and around the world
