Pune IT Job : पुण्यात आयटी नोकरीसाठी मोठी चुरस; 3,000 पेक्षा जास्त उमेदवार रांगेत; Video Viral

राज्यात वाढणाऱ्या बेरोजगारीचं विदारक (Maharashtra unemployment) चित्र एका व्हिडिओतून पहायला मिळत आहे. हा व्हिडिओ पुण्यातील (Pune IT Viral Video) मगरपट्टा भागातील असल्याचं सांगितलं जात आहे. आयटी हब म्हणून ओळख असलेल्या पुण्याच्या एका भागातील हा व्हिडिओ चांगलाच व्हायरल होत आहे. व्हिडिओत अभियंत्याच्या जागेसाठी मुलाखती सुरू असताना त्यासाठी इच्छूक उमेदवारांच्या मोठमोठ्या रांगा पहायला मिळत आहे. यावेळी तीन हजारांहून अधिक उमेदवार रांगेत उभे असल्याचं सांगितलं जात आहे. वॉक-इन-इंटरव्यूहसाठी ही भलीमोठी रांग पाहून बेरोजगारीचं चित्र किती विदारक आहे हे दिसून येतंय.

('NDTV मराठी' चं अधिकृत व्हॉट्सअ‍ॅप चॅनल जॉईन करा)

सध्या आयटी क्षेत्रातील पगाराचा घसरलेला आकडा, कामाच्या तासांवरुन होणारा वाद पाहता येथील परिस्थिती अधिक चिंतेची असल्याचं दिसत आहे. पुण्यात आयटी नोकरीसाठीची चुरस तीव्र आहे, याचा अंदाज लावणारा एक व्हिडिओ सध्या सोशल मीडियावर प्रचंड व्हायरल होत आहे. दरम्यान NDTV मराठी या व्हायरल व्हिडिओची पुष्टी करीत नाही. 

नक्की वाचा - Pune Metro News: पुणेकरांसाठी मोठी गुड न्यूज! प्रजासत्ताक दिननिमित्त मेट्रोची खास ऑफर; फक्त 20 रुपयात...

महाराष्ट्रातील बेरोजगारीची समस्या हा निवडणुकीत महत्त्वाचा मु्द्दा बनला होता. यावेळी विरोधकांसह सत्ताधाऱ्यांनी तरुणांना महिन्याला काही रक्कम देण्याचं आश्वासन दिलं होतं. विधावसभा निवडणुकीपूर्वी महाविकास आघाडीने जारी केलेल्या जाहीरनाम्यात बेरोजगार तरुणांना बेरोजगारी भत्ता देण्याचं आश्वासन दिलं होतं.