शुभम बायास्कर, अमरावती:
Amravati Election News: राज्यात स्थानिक स्वराज्य संस्थांच्या निवडणुकांचा धुरळा सुरु आहे. एकीकडे प्रचाराचा धडाका सुरु असतानाच अनेक ठिकाणी अर्ज मागे घेण्यासाठी दादागिरी, दडपशाही सुरु असल्याचा आरोप होत आहे. उमेदवारांना निवडणुकीतून माघार घेण्यासाठी धमकावले जात आहे. असाच धक्कादायक प्रकार अमरावतीमधून समोर आला असून महिला उमेदवाराला जिवे मारण्याची धमकी दिल्याने खळबळ उडाली आहे.
नेमकं काय घडलं?
अमरावतीच्या चंदूररेल्वे नगरपरिषद निवडणुकीची रणधुमाळी सुरू असून निवडणूक जसजशी जवळ येत आहेत तसतसे वातावरण थंडीतही तापू लागले आहे. अशातच चांदुर रेल्वे शहरातील एका प्रभागात आम आदमी पक्षाकडून नगरसेवक पदाकरिता निवडणुकीच्या रिंगणात असलेल्या 22 वर्षीय युवती उमेदवाराला एकाने घरात घुसून शिवीगाळ करत छेडछाड केली. निवडणुकीत कशाला उभी राहिली? ताबडतोब निवडणुकीतून माघार घे, अन्यथा जीवाने मारेल, अशी धमकी दिल्याचेही समोर आले आहे, रवि कातोरे असं या आरोपीचे नाव आहे.
अजित दादा ते बॉलिवूडचा खिलाडी.... सुरच चव्हाणच्या लग्नाला सेलिब्रेटींची गर्दी; पाहा पाहुण्यांची यादी
समोर आलेल्या माहितीनुसार, तक्रारकर्ती युवतीने निवडणुकीमध्ये उमेदवारी अर्ज दाखल केल्यापासून तिला आरोपीकडून धमक्या येत होत्या. दि. २७नोव्हेंबर रोजी निवडणुकीच्या प्रचाराकरिता ती सकाळपासून घरून निघाली होती. रात्री शेवटची प्रचार सभा टांगा गल्ली येथे संपल्यानंतर ती तिच्या घरी गेली. त्यावेळी आई, वडील व बहीण हे एका कार्यक्रमामध्ये गेले होते.
महिला उमेदवाराला जिवे मारण्याची धमकी...
त्यांनी घराची किल्ली ठेवली होती. युवतीने घराचे दार उघडताच आरोपी हा तिच्या मागून आला व त्याने हात पकडला. घाबरलेल्या युवतीने हात झटकला. त्यावेळी आरोपीने तिला अर्वाच्य शिवीगाळ केली. तू इलेक्शनमध्ये उभी कशाला राहिली? ताबडतोब निवडणुकी मधून माघार घे, अन्यथा तुला मारून टाकेल, अशी धमकी दिली. याप्रकरणी चांदूररेल्वे पोलिसांनी आरोपीविरुद्ध रात्री ११.४५ वाजता गुन्हा दाखल करून त्याला अटक केली आहे.
Track Latest News Live on Marathi.NDTV.com and get news updates from India and around the world
