अमोल सराफ, बुलढाणा:
Buldhana News: आईला अखेरचा कॉल तरुण एका तरुणाने आपली जीवनयात्रा संपवल्याची काळीज पिळवटून टाकणारी घटना बुलढाण्यामध्ये घडली आहे. आई हा अखेरचा संवाद असे म्हणत मुलाने आपल्या जन्मदातीला कॉल केला अन् गळफास घेत आयुष्य संपवले. ज्ञानेश्वर एकनाथ सपकाळ (वय वर्ष ३९) असं आत्महत्या केलेल्या तरुणाचे नाव आहे. या काळीज पिळवटून टाकणाऱ्या घटनेने संपूर्ण जिल्ह्यात हळहळ व्यक्त होत आहे.
आई हा शेवटचा कॉल..
याबाबत सविस्तर माहिती अशी की, बुलढाण्याच्या करडीमध्ये एका तरुणाने आईला कॉल करुन त्यांच्या डोळ्यादेखत आत्महत्या केल्याची दुर्दैवी घटना घडली आहे. मृत एकनाथ सपकाळ वय वर्ष ३९ यांचे धाड येथील भाग १, गट क्र. ५७ मध्ये शेत आहे. २ मार्च रोजी सायंकाळी ७.३० वाजेच्या सुमारास ज्ञानेश्वर यांनी आपल्या आईला फोन केला आणि हा आपला शेवटचा संवाद असल्याचे सांगितले. आई, हा माझा तुला शेवटचा फोन आहे...' असं ते आईला कॉलवर बोलले.
Maval Accident: शिवज्योत घेऊन धावताना भयंकर घडलं; मावळमधील 2 शिवभक्तांचा मृत्यू; हृदयद्रावक घटना!
मुलाचे हे शब्द ऐकताच आईच्या पोटात गोळा आला. आपला लेक काहीतरी विपरित पाऊल उचलतोय हे त्यांच्या लक्षात आले अन त्यांनी दुसऱ्या मुलासह शेताकडे धाव घेतली. ते शेतात पोहोचले तेव्हा ज्ञानेश्वर यांचा फोन सुरूच होता. समोरून आई आणि भाऊ येताना दिसताच, ज्ञानेश्वर यांनी आंब्याच्या झाडाला बांधलेल्या नायलॉन दोरीच्या साहाय्याने गळफास घेऊन उडी घेतली. काही क्षणांतच त्यांची प्राणज्योत मालवली. आई आणि भावाच्या डोळ्यादेखत हा काळीज पिळवटून टाकणारा प्रकार घडला.
आई आणि भावाच्या डोळ्यादेखत आत्महत्या!
या घटनेची माहिती मिळताच धाड पोलिसांनी घटनास्थळी धाव घेतली. घटनास्थळ पंचनामा करून मृतदेह शवविच्छेदनासाठी धाड येथील ग्रामीण रुग्णालयात रवाना केला. ज्ञानेश्वर यांच्या पश्चात आई, पत्नी, मुलगा आणि भाऊ असा मोठा आप्त परिवार आहे. या प्रकरणी रघुनाथ पांडुरंग सपकाळ यांनी धाड पोलिसांत दिलेल्या फिर्यादीवरून पोलिसांनी मर्ग दाखल केला आहे. त्यांनी आत्महत्या का केली, याचे कारण समजू शकले नाही. गुन्ह्याचा पुढील तपास ठाणेदार प्रताप भोस यांच्या मार्गदर्शनात पोलिस अंमलदार श्रीकृष्ण चव्हाण हे करत आहेत.
Jishnu Dev Varma: कोण आहेत जिष्णू देव वर्मा? महाराष्ट्राचे नवे राज्यपाल म्हणून झाली नियुक्ती
Track Latest News Live on Marathi.NDTV.com and get news updates from India and around the world
