Delhi Red Fort Bomb Blast Pune Connection: राजधानी दिल्लीत लाल किल्ल्याजवळ झालेल्या स्फोटाने काल (सोमवारी, ता १०) संध्याकाळी दिल्लीसह देश हादरला. यात नऊ जणांचा मृत्यू झाला आणि अनेक जण जखमी झाले आहेत. हा दिल्लीवरील दहशतवादी हल्ला असल्याचा संशय तपास यंत्रणांना असून त्यादृष्टीने तपास सुरु आहे. दिल्लीमधील या हल्ल्यानंतर आता काही दिवसांपूर्वीच पुण्यातील कोंढव्यामध्ये झालेली कारवाई पुन्हा चर्चेत आली आहे.
काय झाली होती कारवाई?
पुण्यातील कोंढवा भागात महाराष्ट्र एंटी-टेररिझम स्क्वॉड (एटीएस) ने २७ ऑक्टोबर २०२५ रोजी मोठी कारवाई केली होती. ही कारवाई २०२३ मध्ये उघडकीस आलेल्या ISIS-संबंधित दहशतवादी मॉड्यूल प्रकरणाशी जोडलेली आहे, ज्यात पुणे, मुंबई आणि गुजरातमधील शहरांमध्ये बॉम्बस्फोट घडवण्याचा कट रचला गेला होता. या कारवाईत झुबैर हंगरगेकर (वय ३२-३५ वर्षे) नावाच्या संशयिताला अटक करण्यात आली. तो मूळचा सोलापूरचा रहिवासी असून, कोंढवा परिसरात वास्तव्य करतो. त्याने सॉफ्टवेअर अभियंता/तंत्रज्ञ म्हणून काम केले असून, त्याला वर्षाला सुमारे ₹२५ लाख पगार मिळत असल्याची माहिती आहे.
Delhi Red Fort Blast Live Updates: दिल्ली स्फोटानंतर पुण्यात देखील अलर्ट, सुरक्षेत मोठी वाढ
२७ ऑक्टोबर २०२५ रोजी पुणे रेल्वे स्टेशन परिसरात (चेन्नईहून येत असताना) अटक करण्यात आली. अटकेनंतर त्याला न्यायालयात हजर केल्यानंतर ४ नोव्हेंबर २०२५ पर्यंत पोलिस कोठडी सुनावण्यात आली. त्याच्यावर प्रतिबंधित दहशतवादी संघटना ISIS (किंवा अल-कायदा) संबंधित साहित्य जपणे, त्याच्या लॅपटॉप आणि इलेक्ट्रॉनिक उपकरणांवर बॉम्ब बनवण्याच्या सूचना, AK-47 सारख्या शस्त्रास्त्रांचा वापर याबाबतचे साहित्य आढळले.
२०१९ पासून ISIS/IS च्या सदस्यांशी ऑनलाइन संपर्क साधणे आणि अतिरेकी कारवायांसाठी मुलांना शोध घेत होता. ही कारवाई ९ ऑक्टोबर २०२५ रोजी कोंढवा, खडकी, वानवडी, खडकी, भोसरी येथे एटीएस आणि पुणे पोलिसांनी १९ ठिकाणी केलेल्या छाप्यांशी जोडली गेली. त्यावेळी १९ संशयितांची चौकशी करण्यात आली आणि इलेक्ट्रॉनिक उपकरणे व कागदपत्रे जप्त करण्यात आली. ही कारवाई २०२३ च्या ISIS मॉड्यूल प्रकरणातील तपासाचा भाग आहे, ज्यात बॉम्बस्फोट आणि दहशतवादी निधी उभारणीचा कट होता. ही कारवाई पुण्यातील दहशतवाद विरोधी प्रयत्नांची सर्वात मोठी कारवाई म्हणून चर्चेत आहे.
UPI Payment: डोळ्यांनी बघताच होणार UPI पेमेंट; मोबाईलची गरज देखील लागणार नाही
