शिवसेना आणि राष्ट्रवादी काँग्रेस पक्ष आमदार अपात्रता प्रकरणावर आज सर्वोच्च न्यायालयात सुनावणी होणार आहे. विधानसभा अध्यक्ष राहुल नार्वेकर यांनी दिलेल्या निकालाविरोधात ठाकरे गट आणि शरद पवार यांच्या पक्षाने दाखल केलेल्या याचिकेवर सर्वोच्च न्यायालयात सुनावणी होणार आहे. गेल्या अनेक महिन्यांपासून या प्रकरणी सर्वोच्च न्यायालयात सुनावणी झालेली नाही. राज्यात विधानसभा निवडणुका लागलेल्या असताना आज कोर्टात सुनावणीची तारीख आलेली आहे. त्याशिवाय ४ नोव्हेंबर रोजी उमेदवारी अर्ज मागे घेण्याची शेवटची मुदत होती. यावेळी दोन्ही आघाडीतील अनेक उमेदवारांनी अर्ज मागे घेतला तर कित्येक बंडखोर उमेदवार निवडणूक लढवण्यावर ठाम होते. त्यामुळे राज्यातील अनेक मतदारसंघात बहुरंगी लढत पाहायला मिळणार आहे.
Live Update : पुण्याच्या इंदापूरमध्ये हर्षवर्धन पाटील यांचा प्रचार शिगेला
पुण्याच्या इंदापूरमध्ये हर्षवर्धन पाटील यांचा प्रचार शिगेला पोहोचला आहे. माजी सहकार मंत्री हर्षवर्धन पाटलांची इंदापूरच्या हिंगणगावमध्ये घोड्यावरून वाजत गाजत मिरवणूक काढण्यात आली आहे. तर याच वेळी ग्रामस्थांनी हर्षवर्धन पाटलांवर जेसीबीतून फुलांची उधळून देखील केली आहे. हा व्हिडिओ सध्या सोशल मीडियात व्हायरल झाला आहे.
Live Update : शिवसेना पक्ष आणि धनुष्यबाण चिन्ह प्रकरण
शिवसेना पक्ष आणि धनुष्यबाण चिन्ह प्रकरण
निवडणूक आयोगाने दिलेल्या निकालाविरोधात उद्धव ठाकरे यांनी याचिका दाखल केली होती. मुख्य न्यायमूर्ती धनंजय चंद्रचूड यांच्या निवृत्तीच्या शेवटच्या दिवशी यावर सुनावणी पार पडणार आहे. गेल्या अनेक महिन्यांपासून या प्रकरणावर सुनावणी झालेली नाही. कामाच्या शेवटच्या दिवशी तरी CJI काही महत्त्वाचे निर्देश देणार का हे पाहणं महत्त्वाचं ठरणार आहे.
Live Update : आज धुळ्यात असदुद्दीन ओवैसी यांची जाहीर सभा....
आज धुळ्यात असदुद्दीन ओवेसी यांची जाहीर सभा....
सध्या विधानसभेच्या पार्श्वभूमीवर राजकीय वातावरण चांगलेच तापले आहे. आजपासून प्रचाराला खऱ्या अर्थाने सुरुवात झाली आहे आणि अशातच पहिल्याच दिवशी धुळे शहरांमध्ये असदुद्दीन ओवेसी यांची जाहीर सभा पार पडत आहे. धुळे शहराचे विद्यमान आमदार फारुक शहा यांच्या प्रचारार्थ असदुद्दीन ओवैसी हे आज धुळ्यात जाहीर सभा घेणार आहेत. त्यामुळे असदुद्दीन ओवेसी या सभेमधून राज्य सरकारवर काय टीका करतात आणि कोणा कोणाचा समाचार घेतात हे पाहणं महत्त्वाचं असणार आहे.
Live Update : IPS संजय वर्मा राज्याचे नवे पोलीस महासंचालक
IPS संजय वर्मा राज्याचे नवे पोलीस महासंचालक
Live Update : काँग्रेसच्या बंडखोर उमेदवार जयश्री पाटील यांची भव्य सभा
सांगली विधानसभा मतदार संघात काँग्रेसच्या बंडखोर उमेदवार जयश्री पाटील यांची भव्य सभा आणि प्रचाराचा नारळ फोडला..
सांगलीच्या काँग्रेस कमिटीच्या चौकात ही सभा पार पडत आहे.
या सभेला मोठ्या संख्येने मदानभाऊ याच्यावर प्रेम करणारा जनसमुदाय उपस्थित.
या सभेला खासदार विशाल पाटील यांच्या पत्नी आणि माजी मंत्री प्रतीक पाटील याची उपस्थिती.
तर थोड्या वेळात खासदार विशाल पाटील राहणार उपस्थित..
Live Update : पुणे शहरात भाजपच्या प्रचाराचा शुभारंभ कसब्यातून
पुणे शहरात भाजपच्या प्रचाराचा शुभारंभ कसब्यातून
कसब्याच्या महायुती भाजपचे उमेदवार हेमंत रासने यांच्या प्रचाराला सुरुवात
भव्य रॅली काढत शक्तिप्रदर्शन
भाजपचे शहराध्यक्ष धीरज घाटे आणि महायुतीतील अनेक प्रमुख पदाधिकारी देखील प्रचारात सहभागी
राष्ट्रवादी काँग्रेस अजित पवार गटाचे पुण्याचे शहराध्यक्ष दीपक मानकर देखील प्रचारात सहभागी
Live Update : उद्या राहुल गांधी यांच्या संविधान सन्मान संमेलनात माध्यमांना NO Entry
उद्या राहुल गांधी यांच्या संविधान सन्मान संमेलनात माध्यमांना NO Entry
काँग्रेस सूत्रांकडून मिळालेल्या माहितीनुसार, ओबीसी युवा अधिकार मंचाने आयोजित केलेल्या या कार्यक्रमात विविध एनजीओ आणि सामाजिक संघटनांचा मेळावा असेल. त्याचे स्वरूप खाजगी असल्याने माध्यमांना प्रवेश नसेल.
संविधानाची महती सांगणाऱ्या आणि संवैधानिक मुल्यांविषयी असणाऱ्या या कार्यक्रमात माध्यमांना प्रवेश दिला जात नसेल तर हीच संवैधानिक मूल्यांची उपेक्षा आहे, असे भाजप सूत्रांचे म्हणणे आहे.
Live Update : हिना गावित यांचा भाजपला रामराम
हिना गावित यांचा भाजपला रामराम
हिना गावित यांनी अक्कलकुवा मतदारसंघातून बंडखोरी केली आहे. त्यांनी भाजपला राजीनामा पाठवला आहे.
Live Update : अजित पवार गटाचा जाहीरनामा उद्या प्रसिद्ध करण्यात येणार
राष्ट्रवादी काँग्रेस पक्षाचा विधानसभा निवडणुकीसाठीचा जाहीरनामा उद्या प्रसिद्ध करण्यात येणार
पक्षाचे राष्ट्रीय अध्यक्ष अजित पवार. प्रदेशाध्यक्ष सुनील तटकरे आणि राष्ट्रीय कार्याध्यक्ष प्रफुल पटेल यांच्या उपस्थितीत जाहीरनाम्याचे प्रकाशन होणार
सरकार आल्यास लाडकी बहीण योजनेची रक्कम वाढवण्याचे आश्वासन
Live Update : सलमान खानला बिश्नोई गँगकडून पुन्हा धमकी
Live Update : आज राज ठाकरे नागपुरात
सकाळी 9 वाजता नागपूर विमानतळावर राज ठाकरेंचं मनसैनिकांतर्फे स्वागत करण्यात येणार आहे.
हॉटेल ब्ल्यू मध्ये थोडा वेळ विश्रांती घेऊन कार्यकर्त्यांशी चर्चा करतील आणि यवतमाळकडे रवाना होतील. आज यवतमाळ येथे सभा आहे
Live Update : माजी आमदार रुपेश म्हात्रे, विश्वास नांदेकर, चंद्रकांत घुगूल, संजय आवारी, प्रसाद ठाकरे यांची ठाकरेंच्या शिवसेनेतून हकालपट्टी
पक्षविरोधी कारवाया केल्याने माजी आमदार रुपेश म्हात्रे, विश्वास नांदेकर, चंद्रकांत घुगूल, संजय आवारी, प्रसाद ठाकरे यांची ठाकरेंच्या शिवसेनेतून हकालपट्टी
शिवसेना (उद्धव बाळासाहेब ठाकरे) पक्षाचे भिवंडी लोकसभा मतदारसंघाचे संपर्क प्रमुख रुपेश म्हात्रे यांची पक्षविरोधी कारवाया केल्यामुळे शिवसेना पक्षप्रमुख उद्धव ठाकरे यांच्या आदेशाने पक्षातून हकालपट्टी करण्यात आली आहे.
Live Update : आदित्य ठाकरे यांचा आज मुंबईत पहिला रोड शो
महाविकास आघाडीच्या वडाळा विधानसभेच्या अधिकृत उमेदवार श्रद्धा जाधव यांच्या प्रचारासाठी आदित्य ठाकरे यांचा मुंबईत रोड शो आहे. आज सायंकाळी ६ वाजता रोड शोला सुरुवात होईल.
उद्धव ठाकरे यांच्या सभांना आजपासून सुरवात झाली असून दुसरीकडे आदित्य ठाकरे देखील आज पासून प्रचाराच्या मैदानात उतरणार आहेत.
