DCM Ajit Pawar Plane Crashed: राज्याचे उपमुख्यंत्री अजित पवार यांच्या विमानाला अपघात झाल्याची मोठी बातमी समोर आली आहे. मुंबईमधून बारामतीमध्ये उतरताना अजित पवार यांचे विमान दुर्घटनाग्रस्त झाले. या दुर्घटनेत अजित पवार यांच्यासह विमानातील पाच जणांचा दुर्देवी अंत झाला. राज्याचा धुरंधर नेता हरपल्याने अवघा महाराष्ट्र शोकसागरात बुडाला आहे.
अजित पवार यांच्या विमानाला अपघात
समोर आलेल्या माहितीनुसार, उपमुख्यमंत्री अजित पवार यांच्या विमानाला बारामतीत लँडिंग दरम्यान अपघात झाला. बारामतीमध्ये अजित पवारांच्या चार प्रचार सभा पार पडणार होत्या. अजित पवार यांचं विमान बारामती एअरपोर्टवर लँडिंग होत होते, त्याचवेळी त्याला अपघात झाल्याची माहिती मिळत आहे. यात अजित पवार यांच्यासह चौघांचा मृत्यू झाला.
विमानामध्ये अजित पवार यांच्यासह पाच प्रवासी होते. मुंबई पीएसओ HC विदीप जाधव, पायलट कॅप्टन सुमित कपूर, कॅप्टन संभवी पाठक, पिंकी माळी, फ्लाईट अटेंडंट हे सर्वजण या विमानात होते. या सर्वांचाही या दुर्घटनेत मृत्यू झाला. या घटनेनंतर बारामतीमध्ये शोककळा पसरली असून कार्यकर्त्यांनी मोठी गर्दी केली आहे.
