Maharashtra Rain Alert News: राज्यामध्ये मान्सूनचा धुमाकूळ सुरू असून, गेल्या काही दिवसांपासून सुरू असलेल्या संततधारेमुळे राज्यातील प्रमुख धरणांच्या पाणीसाठ्यात लक्षणीय वाढ झाली आहे. कोकण आणि घाटमाथ्यावर पावसाचा तडाखा कायम असून मुसळधार सर्यांमुळे जनजीवन प्रभावित झाले आहे. हवामान विभागाने वर्तवलेल्या अंदाजानुसार, आजही पावसाचा जोर कायम राहणार असून नागरिकांना सतर्कतेचा इशारा देण्यात आला आहे.
राज्यात पावसाचा जोर कायम...!
भारतीय हवामान विभागाने (IMD) दिलेल्या माहितीनुसार, आज रायगड, पुणे घाटमाथा आणि सातारा जिल्ह्याच्या घाटमाथ्याविना अतिमुसळधार पावसाचा अंदाज वर्तवण्यात आला असून या तिन्ही जिल्ह्यांना हवामान खात्याकडून ‘ऑरेंज अलर्ट' देण्यात आला आहे. तसेच कोकण किनारपट्टी आणि इतर घाटमाथ्यावर जोरदार सरी कोसळण्याची शक्यता असून या क्षेत्रांना ‘येलो अलर्ट' जारी करण्यात आला आहे.
यंदाच्या हंगामात मान्सूनने जरी उशिरा हजेरी लावली असली, तरी गेल्या १५ ते २० दिवसांत झालेल्या मुसळधार पावसामुळे निर्माण झालेली तूट भरून निघत धरणांच्या पाणीपातळीत वाढ झाली आहे. या जलसंभ्रमामुळे बळीराजा सुखावला असून शेतीच्या कामांना वेग आला आहे.
कुठे कसा आहे अलर्ट?
हवामान विभागाच्या सुधारित अंदाजानुसार, रायगड, पुणे आणि सातारा जिल्ह्यांसाठी आज ‘ऑरेंज अलर्ट' कायम आहे. याशिवाय पालघर, ठाणे, मुंबई, रत्नागिरी, सिंधुदुर्ग, नाशिक आणि कोल्हापूर या जिल्ह्यांमध्ये पावसाचा ‘येलो अलर्ट' देण्यात आला आहे. उर्वरित महाराष्ट्रामध्ये तुरळक ठिकाणी हलक्या स्वरूपाच्या पावसाची शक्यता वर्तवण्यात आली आहे. राज्याच्या बहुतांश भागांत ढगाळ वातावरण विखुरलेले असून तापमानातही लक्षणीय घट नोंदवली गेली आहे, ज्यामुळे नागरिकांना उकाड्यापासून मोठा दिलासा मिळाला आहे.
Pune News: अखेर प्रतिक्षा संपली! हिंजवडी मेट्रोला ग्रीन सिग्नल; IT कर्मचाऱ्यांची ट्रॅफिकमधून सुटका
Track Latest News Live on Marathi.NDTV.com and get news updates from India and around the world
