MPSC Talathi Bharati 2026: महाराष्ट्र लोकसेवा आयोगाद्वारे (MPSC) घेण्यात येणाऱ्या महाराष्ट्र गट-क सेवा संयुक्त पूर्व परीक्षा - २०२६ बाबत एक अतिशय महत्त्वाची आणि आनंदाची बातमी समोर आली आहे. आयोगाने नुकत्याच प्रसिद्ध केलेल्या शुद्धीपत्रकानुसार, या परीक्षेत महसूल व वन विभागातील ग्राम महसूल अधिकारी (तलाठी) या अत्यंत महत्त्वाच्या पदाच्या तब्बल १ हजार ५३९ जागांचा नवीन समावेश करण्यात आला आहे.
नवीन पदांची भर पडल्यामुळे आता या गट-क परीक्षेंतर्गत भरल्या जाणाऱ्या एकूण रिक्त पदांची संख्या थेट ५ हजार ७०७ वर पोहोचली आहे. या बदलामुळे अनेक दिवसांपासून स्पर्धा परीक्षांची तयारी करणाऱ्या लाखो तरुणांना मोठा दिलासा मिळाला असून, आयोगाने उमेदवारांच्या हि लक्षात घेऊन ऑनलाइन अर्ज करण्यासाठी मुदतवाढ देखील जाहीर केली आहे.
MPSC Group C Bharti 2026: भरतीचा सविस्तर तपशील
- पदनाम व विभाग: ग्राम महसूल अधिकारी (तलाठी), गट-क (महसूल व वन विभाग)
- नवीन समाविष्ट पदे: १५३९ जागा (एकूण गट-क पदे: ५७०७)
- शैक्षणिक पात्रता: कोणत्याही मान्यताप्राप्त विद्यापीठाची पदवी असणे आवश्यक.
- वयोमर्यादा गणण्याचा दिनांक: ०५ ऑगस्ट २०२६ रोजी ग्राह्य धरली जाईल.
- अधिकृत अर्ज लिंक: https://mpsconline.gov.in/candidate/login
परीक्षेत समाविष्ट असणारी इतर महत्त्वाची पदे
- लिपिक-टंकलेखक: नागरी पुरवठा, अन्न व ग्राहक संरक्षण, आदिवासी विकास तसेच महसूल व वन विभाग मिळून एकूण ११९४ पदे.
- सहायक मत्स्यव्यवसाय विकास अधिकारी (तांत्रिक): २५४ पदे (शैक्षणिक पात्रता: B.F.Sc. पदवी).
- वरिष्ठ अभिलेखपाल / वरिष्ठ लिपिक: ११ पदे.
- सहायक अधीक्षक: ११ पदे.
ऑनलाइन अर्ज कसा करावा? (Step-by-Step Guide)
सर्वप्रथम MPSC च्या अधिकृत संकेतस्थळाला भेट द्या ([https://mpsconline.gov.in/candidate/login](https://mpsconline.gov.in/candidate/login)).
पोर्टलवर जाऊन उमेदवाराने स्वतःचे प्रोफाईल तयार करा किंवा लॉगिन करा.
त्यानंतर नवीन भरती प्रक्रियेच्या टॅबमध्ये जाऊन 'महाराष्ट्र गट-क सेवा संयुक्त पूर्व परीक्षा २०२६' च्या जाहिरातीवर क्लिक करा.
तिथे तुमच्यासमोर तुम्ही पात्र असलेल्या पदांची सविस्तर यादी दिसेल.
तुम्ही ज्या ज्या पदांसाठी पात्र आहात, त्या सर्व पदांवरील बॉक्सवर क्लिक (Check) करून ती निवडा.
विचारलेली सर्व आवश्यक माहिती अचूक भरा आणि आपल्या पसंतीचे परीक्षा केंद्र निवडा.
शेवटी ऑनलाइन पद्धतीने परीक्षा शुल्क भरून आपला अर्ज यशस्वीरीत्या सबमिट करा.
अर्ज सबमिट झाल्यानंतर भविष्यातील संदर्भासाठी अर्जची प्रिंट काढून सुरक्षित ठेवा.
परीक्षा आणि अर्जाचे महत्त्वाचे वेळापत्रक
- परीक्षेचा दिनांक: २५ ऑक्टोबर २०२६ (OMR आधारित ऑफलाइन परीक्षा घेतली जाईल).
- ऑनलाइन अर्ज करण्याची अंतिम मुदत: ०५ ऑगस्ट २०२६ (रात्री २३:५९ वाजेपर्यंत).
- परीक्षा शुल्क भरण्याची अंतिम मुदत: ०८ ऑगस्ट २०२६ (रात्री २३:५९ वाजेपर्यंत).
IAS Tukaram Mundhe: तुकाराम मुंढेंच्या भीतीने जिलबीने बदलला रंग; नेमकं काय घडलंय?
महत्त्वाची सूचना
परीक्षा शुल्क केवळ ऑनलाइन माध्यमातूनच (डेबिट कार्ड, क्रेडिट कार्ड, नेट बँकिंग किंवा UPI द्वारे) स्वीकारले जाईल. कोणत्याही बँकेच्या चलनाद्वारे (Bank Challan) शुल्क भरण्याची सुविधा आता बंद करण्यात आली आहे. त्यामुळे सर्व पात्र व इच्छुक उमेदवारांनी मुदत संपण्यापूर्वी आपले अर्ज लवकरात लवकर पूर्ण करावेत
