- हिंदू राष्ट्र जनजागृती सभा"च्या प्रचारासाठी वंचित बहुजन आघाडीच्या पदाधिकाऱ्यांची नावे वापरल्याने राजकीय वाद
- तेलंगणातील वादग्रस्त आमदार टी. राजा या सभेत सहभागी होणार आहेत
- वंचित बहुजन आघाडीने नगरसेवक निलेश देव आणि सुनील इज्रानी यांच्या नावाचा विनापरवानगी वापर
योगेश शिरसाट
अकोला शहरात “हिंदू राष्ट्र जनजागृती सभा”च्या प्रचारावरून राजकीय वातावरण तापले आहे. गोरक्षण मार्गावरील एकवीरा मैदानात आज 3 मे रोजी सायंकाळी होणाऱ्या या सभेत तेलंगणातील वादग्रस्त आमदार टी. राजा सहभागी होणार आहेत. मात्र या सभेच्या प्रचारासाठी लावण्यात आलेल्या होर्डिंग्सवर वंचित बहुजन आघाडीचे पदाधिकारी निलेश देव आणि नगरसेवक सुनील इन्नाणी यांची नावे झळकल्याने चर्चेला उधाण आले आहे. त्यामुळे संघ परिवाराशी संबंधित संस्थांकडून आयोजित या कार्यक्रमाला वंचित आघाडीच्या पदाधिकाऱ्यांचा अप्रत्यक्ष पाठिंबा असल्याची चर्चा रंगली आहे. मात्र ही बाब वंचितकडून फेटाळून लावण्यात आली आहे.
वंचित बहुजन आघाडी पक्षाची विचारधारा आणि या प्रचारामधील विसंगतीमुळे स्थानिक राजकारणात अंतर्गत कलह सुरू आहे का? असा प्रश्न उपस्थित होत आहे. दरम्यान त्या बॅनरमुळे अकोल्यात वंचितमध्ये हालचालींना वेग आला आहे. या प्रकरणाकडे सर्वांचे लक्ष लागले असताना वंचित बहुजन आघाडी आंदोलनाच्या पवित्र्यात होती. त्यानंतर मात्र ते बॅनर वंचितचे नगरसेविक निलेश देव आणि सुनील इन्नाणी या दोन नगरसेवकांची काढली. मात्र काही ठिकाणी तसेच बॅनर असल्यामुळे संभ्रम निर्माण झाला आहे .
प्रस्तावित “हिंदू राष्ट्र निर्माण सभे”वरून वाद चिघळला आहे. वंचित बहुजन आघाडीच्या नगरसेवकांचे सभेला समर्थन असणारे बॅनर शहरात लावण्यात आले होते. यावर वंचित बहुजन आघाडीने तीव्र आक्षेप घेतला. याबाबत जिल्हाधिकारी आणि पोलीस अधीक्षकांना निवेदन देण्यात आलं आहे. वंचित बहुजन आघाडीने स्पष्ट केलं की त्यांच्या नगरसेवकांच्या नावाचा वापर विनापरवानगी करण्यात आला होता. यातून पूर्णपणे संभ्रम निर्माण करण्याचा प्रयत्न केला गेला. वंचितला बदनाम करण्याचा हा डाव होता असा आरोप ही करण्यात आला आहे.
या प्रकरणात जबाबदारांवर तात्काळ कारवाई करून बॅनर हटवावेत, अशी मागणी करण्यात आली आहे. ज्यांच्या नावाने हे बॅनर लावले होते ते, नगरसेवक निलेश देव आणि सुनील इन्नाणी यांनी या सभेशी आपला कोणताही संबंध नसल्याचं स्पष्ट केलं आहे. शिवाय आपल्या नावाचा वापर केल्याचा निषेध ही त्यांनी केला. या सभेत वादग्रस्त विधानांसाठी चर्चेत असलेले टी. राजा सिंह येणार आहेत. त्यांना वेगवेगळ्या संघटनांकडून विरोध होत आहे. त्यामुळे हा विरोध लक्षात घेतला प्रशासनासमोर कायदा-सुव्यवस्थेचं आव्हान उभं राहिलं आहे.
वंचित बहुजन आघाडीच्या कार्यकर्त्यांसाठी ―
— Vanchit Bahujan Aaghadi (@VBAforIndia) May 3, 2026
अकोला शहरात काही ठिकाणी वंचित बहुजन आघाडीच्या नगरसेवकांचे बॅनर्स लागले आहेत. हे अनेकांनी पाहिले असेल. हा भाजपा-आरएसएसने एक विचारपूर्वक रचलेला कट आहे. अत्यंत जातीयवादी, द्वेषपूर्ण व्यक्ती टी. राजाच्या स्वागताचे लावलेले बॅनर्स हे वंचित… pic.twitter.com/2pVKhsPZST
Track Latest News Live on Marathi.NDTV.com and get news updates from India and around the world
