Man Death Because Of Mobile Charger : इलेक्ट्रॉनिक गॅजेट्सचा चुकीच्या पद्धतीनं वापर केला,तर जीवालाही धोका निर्माण होऊ शकतो. मोबाईलचा चार्जिंगदरम्यान स्फोट झाल्याचे अनेक भयानक व्हिडीओ सोशल मीडियावर व्हायरल झाले आहेत. यामुळे काही लोकांचा मृत्यूही झाल्याच्या घटना घडल्या आहेत.अशाच प्रकारची एक धक्कादायक घटना बिहारच्या बांका जिल्ह्यात घडली आहे. मोबाईलच्या चार्जरमुळे एका 29 वर्षीय तरुणाचा मृत्यू झाला आहे.अमरेंद्र कुमार असं मृत व्यक्तीचं नाव असून या घटनेमुळं त्याच्या कुटुंबीयांना मोठा धक्का बसला आहे. ही घटना बांका जिल्ह्यातील बाराहाट पोलीस ठाण्याच्या हद्दीतील बभनगामा गावात घडली आहे.घटनेची माहिती मिळताच पोलिसांनी मृतदेह ताब्यात घेऊन पोस्टमॉर्टेमसाठी पाठवला आहे.
त्या रुममध्ये नेमकं काय घडलं होतं?
याबाबत सविस्तर वृत्त असं की, बांका येथील अमरेंद्र कुमारने कधी स्वप्नातही विचार केला नसेल की खोलीत ठेवलेला मोबाईल चार्जर त्याचा जीव घेईल. या घटनेनंतर अमरेंद्र कुमारचे संपूर्ण कुटुंब धक्क्यात आहे.मोबाईल चार्जरमुळे अमरेंद्रचा मृत्यू झाला,यावर त्याच्या कुटुंबीयांचा विश्वासच बसत नाहीय. पोलीस तपासात उघडकीस आलं आहे की अमरेंद्र त्याच्या घरात एका वेगळ्या खोलीत अभ्यास करायचा. नेहमीप्रमाणे तो शनिवारी रात्रीही आपल्या खोलीत बसून अभ्यास करत होता.त्याचदरम्यान, त्याने मोबाईलचा चार्जर इलेक्ट्रिक बोर्डमध्ये लावला आणि त्यानंतर त्याला जोरदार शॉक लागला.
नक्की वाचा >> रॅपिडो बाईकवर प्रवासाला निघाली, तरुणीसोबत रस्त्यातच घडली भयंकर घटना..Viral Video पाहून सर्वच थक्क
मोबाईल चार्जिंगला लावताना योग्य काळजी घ्या
त्यावेळी रुममध्ये तो एकटाच होता. शॉक लागल्यानंतर काही वेळआने घरातील कुटुंबीयांनी अमरेंद्र खाली पडल्याचं पाहिलं.त्यानंतर त्याला बाराहाट सामुदायिक आरोग्य केंद्रात उपचारासाठी दाखल करण्यात आलं. कुटुंबीयांनी दिलेल्या माहितीनुसार,अमरेंद्रची गंभीर अवस्था पाहून प्राथमिक उपचारानंतर डॉक्टरांनी त्याला बांका येथील रुग्णालयात दाखल केले. परंतु, अमरेंद्रचा मृत्यू झाल्याचं डॉक्टरांनी घोषित केलं.या गंभीर घटनेमुळं अमरेंद्रच्या कुटुंबीयांवर दु:खाचा डोंगर कोसळला असून परिसरात एकच हळहळ व्यक्त केली जात आहे. या घटनेमुळं अनेकांनी सोशल मीडियावर आवाहन केलं आहे की, मोबाईलचा चार्जर लावता योग्य ती काळजी घेणे गरजेचं आहे.
