Software Update Impacts In India : सोलर रेडिएशनमुळे A320 विमानांमधील फ्लाइट कंट्रोलशी संबंधित महत्त्वपूर्ण डेटावर परिणाम होऊ शकतो, असा अलर्ट एअरबेसने जारी केला आहे. त्यानंतर DGCA ने एअरबस A318 ते A321 या मॉडेल्समध्ये असलेल्या EAC म्हणजे एलेव्हेटर एलेरॉन कॉम्प्युटर बदलण्याच्या सूचना दिल्या आहेत. युरोपियन विमान सुरक्षा एजन्सीच्या नव्या सुरक्षा निर्देशांच्या आधारे हा आदेश जारी करण्यात आला आहे. DGCA ने सांगितले आहे की,एअर इंडिया, इंडिगो आणि एअर इंडिया एक्सप्रेसच्या सुमारे 338 विमानांवर याचा थेट परिणाम होणार आहे.आतापर्यंत मोठ्या प्रमाणात विमानांचे सॉफ्टवेअर अपडेट झाले आहे आणि 30 नोव्हेंबरच्या सकाळपर्यंत अपडेटचे काम पूर्ण होईल,अशीही माहिती समोर आली आहे.
एअरबस A320 विमानांमध्ये संभाव्य तांत्रिक बिघाडानंतर युरोपियन विमान सुरक्षा संस्था (European Union Aviation Safety Agency - EASA) ने तातडीने नवे सुरक्षा निर्देश जारी केले आहेत. EASA च्या माहितीनुसार,एका एअरबस A320 विमानात अचानक ‘पिच-डाउन'ची घटना घडली होती.मात्र ऑटोपायलट सुरू राहिला आणि विमान सुरक्षित राहिले,पण तपासात अशी माहिती समोर आली की,‘एलेव्हेटर एलेरॉन कॉम्प्युटर' नावाच्या महत्त्वाच्या संगणकातील बिघाडामुळे ही घटना घडली असावी.
विमानाच्या सुरक्षिततेला आणि संरचनेला धोका
जर हा तांत्रिक बिघाड तात्काळ दुरुस्त केली नाही, तर भविष्यात विमानाच्या शेपटीच्या भागात (एलिव्हेटर)अनावश्यक हालचाल होऊ शकते,ज्यामुळे विमानाच्या सुरक्षिततेला आणि संरचनेला धोका निर्माण होऊ शकतो. याच कारणामुळे EASA ने सर्व एअरलाईन्सना निर्देश दिले आहेत की,एअरबस A319, A320 आणि A321 मॉडेलच्या विमानांमध्ये बसवलेले जुने ELAC-B L104 कॉम्प्युटर तात्काळ काढून सुरक्षित मॉडेलने बदलावे. हे काम पुढील उड्डाणापूर्वी होणे अत्यंत गरजेचं आहे. EASA ने यह भी साफ कर दिया है कि बदलाव के बाद कोई भी एयरलाइन पुराना, प्रभावित कंप्यूटर दोबारा इंस्टॉल नहीं कर सकती है. यह निर्देश 29 नवंबर 2025 से तुरंत प्रभाव में लागू है.
नक्की वाचा >> IMD Alert : 56 जणांचा मृत्यू! 21 बेपत्ता..श्रीलंकेत हाहा:कार! भारतातही घोंगावणार..कधी अन् कुठे?
EASA ने असंही स्पष्ट केलं आहे की,बदल केल्यानंतर कोणतीही एअरलाइन्स जुनं किंवा बिघाड झालेलं कम्प्युटर पुन्हा इन्स्टॉल करू शकत नाही. हा आदेश 29 नोव्हेंबर 2025 पासून लागू करण्यात आला आहे.नागरी विमान वाहतूक महासंचालनालयाने (DGCA) हा बदल भारतात चालवल्या जाणाऱ्या विमानांवरही लागू केला आहे. हा आदेश एअरबस A318, A319, A320 आणि A321 या मोठ्या श्रेणीतील मॉडेल्सवर लागू आहे आणि यात जवळपास सर्व सीरियल नंबरचा समावेश आहे. ज्यांच्याकडे ही विमाने आहेत अशा ऑपरेटर्सना EAC बदलणे अनिवार्य आहे.
इंडिगोच्या एकूण 200 विमानांवर परिणाम
DGCA ने शनिवारी म्हटलंय की, इंडिगोच्या एकूण 200 विमानांवर याचा परिणाम होणार आहे.मात्र यापैकी कोणतीही फ्लाइट रद्द केली जाणार नाही. तसेच DGCA ने माहिती दिली की इंडिगोच्या आतापर्यंत 143 विमानांमध्ये सॉफ्टवेअर अपडेट पूर्ण झाले आहे. एअरबसच्या अलर्टनंतर विमानांना अपडेट करण्याचं काम केलं जात आहे. सात बेस स्टेशनवर इंडिगो विमानंना अपडेट केलं जात आहे. यामध्ये दिल्ली, बंगळुरु, मुंबई, चेन्नई, हैदराबाद, अहमदाबाद आणि कोलकाताच्या बेस स्टेशनचा समावेश आहे.
नक्की वाचा >> Shocking Video: निरागस विद्यार्थ्यांना असं कोणी मारतं का..शिक्षिकेनं लहान मुलांसोबत काय केलं तुम्हीच बघा!
DGCA ने अशी माहिती दिली आहे की,एअर इंडियाच्या एकूण 113 विमानांवर याचा परिणाम झाला आहे.यापैकी १०४ विमाने A320 NEO आहेत आणि ९ विमाने A320 CEO आहेत. तसेच कोणतीही फ्लाइट रद्द केली जाणार नाही. विमानांच्या अपडेटबाबत DGCA ने माहिती दिली की ४२ विमानांमध्ये सॉफ्टवेअर अपडेट पूर्ण झाले आहे.DGCA च्या माहितीनुसार, एअर इंडियाची विमाने सहा बेस स्टेशनवर जलदगतीने अपडेट केली जात आहेत. दिल्ली, बेंगळुरू, मुंबई, हैदराबाद, कोलकाता आणि चेन्नई, अशी बेस स्टेशनची नावं आहेत.
Track Latest News Live on Marathi.NDTV.com and get news updates from India and around the world
