Viral Video: ऑनलाईन कोर्टात वकिलाचा 'रोमान्स' कॅमेरात कैद! दिल्ली हायकोर्टातील प्रकार तुफान Viral

Lawyer Kissing Woman On Camera : कोर्टरूममधील गंभीर युक्तिवाद किंवा न्यायाधीशांनी वकिलांना फटकारणं... अशा गोष्टी आपण अनेकदा ऐकतो किंवा पाहतो. पण सध्या दिल्ली हायकोर्टाच्या (Delhi High Court) व्हर्च्युअल म्हणजेच ऑनलाईन सुनावणीपूर्वीचा एक व्हिडिओ सोशल मीडियावर अक्षरशः धुमाकूळ घालत आहे. या व्हिडिओमध्ये कोर्टाच्या गणवेशातील एक वकील, सुनावणी सुरू होण्यापूर्वी एका महिलेसोबत गैर-व्यावसायिक आणि वैयक्तिक कृत्य करताना दिसत आहेत, जे कॅमेरात कैद झालं आहे.

नेमकं काय घडलं?

मिळालेल्या माहितीनुसार, ही घटना मंगळवारी (Tuesday) घडली. व्हर्च्युअल कोर्टाची कार्यवाही सुरू होण्यापूर्वी न्यायाधीश उपलब्ध नव्हते आणि इतर लोक त्यांच्या प्रतीक्षेत होते. याच वेळी, न्यायालयात हजर राहण्यासाठी वकिलांनी आपला कॅमेरा ऑन ठेवला होता.

व्हिडिओमध्ये, कोर्टाचा गणवेश (Court Attire) परिधान केलेले संबंधित वकील त्यांच्या खोलीत बसलेले दिसतात. त्यांचा चेहरा कॅमेऱ्यापासून थोडासा बाजूला आहे. त्यांच्यासमोर साडी परिधान केलेली एक महिला उभी आहे. अचानक, वकील त्या महिलेचा हात पकडून तिला आपल्याकडे खेचतात. महिला थोडीशी असहमत किंवा अस्वस्थ दिसत असून ती थोडा विरोध करते. मात्र, वकील तिला 'पॅक' (Peck/Kiss) करतात आणि त्यानंतर ती महिला मागे सरकते.

हा सर्व प्रकार व्हर्च्युअल कोर्टाच्या लाईव्ह कॅमेरात रेकॉर्ड झाला आहे, आणि त्यामुळे हा व्हिडिओ सोशल मीडियावर वेगानं पसरत आहे.

Welcome to Digital India Justice 😂

Court is online… but judge forgot it's LIVE! ☠️

When tech meets tradition
— and the camera off button loses the case! 🤣 pic.twitter.com/1GbfOFQ6w7

— ShoneeKapoor (@ShoneeKapoor) October 15, 2025

हा व्हिडिओ तुफान व्हायरल झाला आहे. नेटिझन्सनी यावर तीव्र प्रतिक्रिया दिल्या आहेत.  या व्हायरल व्हिडिओमधील वकील आणि महिलेची ओळख अद्याप निश्चित झालेली नाही. या व्हिडिओच्या सत्यतेबद्दल NDTV नेटवर्क पृष्टी करत नाही. 

यापूर्वीही झाला होता प्रकार

व्हर्च्युअल कोर्टाच्या 'मर्यादा' आणि 'शिस्त' मोडण्याची ही पहिलीच घटना नाही. यापूर्वी, जूनमध्ये गुजरात हायकोर्टाच्या (Gujarat High Court) व्हर्च्युअल सुनावणीदरम्यान एक व्यक्ती चक्क टॉयलेटवर बसून आणि स्वतःला मोकळं करत सुनावणीमध्ये सहभागी झाला होता. त्या घटनेनंतर गुजरात हायकोर्टाने त्या व्यक्तीला 1 लाख रुपये दंड आणि 15 दिवसांची सामुदायिक सेवा (Community Service) करण्याची शिक्षा ठोठावली होती.

A video showing a man attending Gujarat High Court virtual proceedings while seated on a toilet and apparently relieving himself has gone viral on the social media.

Read full story: https://t.co/FbendKMD2M #GujaratHighCourt #VirtualHearings #VideoConferencehearing… pic.twitter.com/spyxMiptiO

— Bar and Bench (@barandbench) June 27, 2025

वकिलाने केलेले हे कृत्य आणि ते कोर्टाच्या कामकाजापूर्वी कॅमेरात कैद होणे, यातून व्हर्च्युअल कोर्टाच्या शिस्तीवर पुन्हा एकदा मोठे प्रश्नचिन्ह उभे राहिले आहे.

( नक्की वाचा : Dombivli News: डोंबिवलीच्या रस्त्यावर थरार! कडेवर बाळाला घेऊन महिला फेरीवाल्याने अंगावर डिझेल ओतले; कारण... )