नोकरी सोडण्याची अनेक कारणे असतात, कधी चांगल्या संधींसाठी, कधी पगार वाढीसाठी तर कधी वर्क-लाईफ बॅलन्ससाठी. पण अलीकडे एका Gen Z कर्मचाऱ्याने एक वेगळेच कारण दिले आहे. सोशल मीडियावर व्हायरल झालेल्या एका मजेशीर राजीनामा पत्राने सर्वांनाच हसायला लावले आहे. एका कर्मचाऱ्याने थेट ‘iPhone 17' घेण्यासाठी नोकरी सोडत असल्याचे सांगितले आहे.
या व्हायरल पत्रात कर्मचाऱ्याने लिहिले की, iPhone 17 बाजारात आला आहे. या पगारात त्याचा ईएमआय भरणे कठीण आहे. त्यामुळे मी चांगल्या पॅकेजसाठी दुसरी नोकरी शोधत आहे. या कर्मचाऱ्याने मोठ्या प्रामाणिकपणे नोकरी सोडण्याचे कारण सांगितले आहे. मात्र, हे कारण वाचून अनेकांना धक्का बसला आणि हसूही आवरले नाही.
(नक्की वाचा- VIDEO: सगळ्यांना वाटलं अभिनय करतोय, 'रामलीला'दरम्यान कलाकाराचा स्टेजवरच हार्टअटॅकने मृत्यू)
(नक्की वाचा- Trending News: नवरा कामासाठी दुबईत, बायकोची सासऱ्यासोबत मजा; VIDEO झाला तुफान व्हायरल!)
सोशल मीडियावर जोरदार चर्चा
हे पत्र इंटरनेटवर व्हायरल झाल्यानंतर अनेकांनी ते शेअर केले. एका युजरने म्हटले की, पगाराचा विचार करण्याआधी ईएमआयचा विचार करणे हीच Gen Z ची खासियत आहे. तर दुसऱ्या एकाने थट्टेत लिहिले की, आता एचआरने (HR) कर्मचाऱ्यांसाठी आयफोन लोनसुद्धा सुरू केले पाहिजे.
हा राजीनामा खरा असो किंवा फक्त एक विनोद, त्याने लोकांचे लक्ष वेधून घेतले आहे. या पत्राने सिद्ध केले आहे की Gen Z प्रत्येक गोष्टीकडे हलक्याफुलक्या दृष्टीने पाहतात. आयफोन असो वा ईएमआय, त्यांची विचारसरणी आणि शैली नेहमीच चर्चेचा विषय ठरते.
Track Latest News Live on Marathi.NDTV.com and get news updates from India and around the world
