Sand Art: 17,000 रुद्राक्ष, 500 शिवलिंग! वाळूत अवतरले अद्भुत महादेव; पाहा मनमोहक VIDEO

Lord Shiva Sand Art by Sudarsan Pattnaik: देशभरात महाशिवरात्रीचा सण मोठ्या उत्साहात अन् भक्तीमय वातावरणात पार पडला. महाशिवरात्रीला सर्व शिवमंदिरांमध्ये भाविकांनी मोठ्या प्रमाणावर गर्दी केली होती. भगवान शंकराच्या भक्तीमध्ये शिवभक्त तल्लीन झाल्याचं पाहायला मिळाले. सोशल मीडियावरही महाशिवरात्रीचे सुंदर व्हिडिओ व्हायरल होत आहेत. महाशिवरात्रीनिमित्त प्रसिद्ध वाळू शिल्पकार सुदर्शन पटनाईक यांनी 17000 रुद्राक्ष वापरुन सुंदर वाळूशिल्प साकारले. ज्याचा अद्भुत व्हिडिओ समोर आला आहे. 

17,000 रुद्राक्ष अन् 500 शिवलिंग

प्रसिद्ध वाळू कलाकार सुदर्शन पटनाईक यांनी ओडिशातील पुरी समुद्रकिनाऱ्यावर भगवान शिव यांना समर्पित एक अद्भुत वाळू शिल्प साकारले. महाशिवरात्री २०२६ निमित्त ही विशेष कलाकृती तयार करण्यात आली आहे. या अद्भुत कलाकृतीसाठी सुदर्शन पटनाईक यांनी १७,००० पवित्र रुद्राक्ष मणी आणि ५०० लहान शिवलिंगे वापरली आहेत. ही वाळू कला केवळ कलाकृती नाही तर भक्तीचे प्रतीक आहे. ही भव्य स्थापना "हर हर महादेव" चा संदेश प्रतिबिंबित करते. समुद्राच्या लाटांमधील हे दृश्य एका गूढ तपश्चर्येसारखे दिसते.

Shirdi News : ऐन महाशिवरात्रीच्या दिवशी शिर्डीत धक्कादायक प्रकार, जमावाकडून व्यक्तीला जबर मारहाण

महादेवाचे सुंदर शिल्प

सुदर्शन पटनाईक यांनी त्यांच्या एक्स हँडलवर या कलाकृतीचा फोटो शेअर केला आणि लिहिले की ही स्थापना "हर हर महादेव" चा दैवी संदेश पसरवण्याचे माध्यम म्हणून काम करते. त्यांनी स्पष्ट केले की रुद्राक्ष मणी आणि शिवलिंगांच्या माध्यमातून त्यांनी भक्ती आणि समर्पण व्यक्त करण्याचा प्रयत्न केला. सोशल मीडियावर या कलाकृतीचा व्हिडिओ चांगलाच व्हायरल होत आहे, ज्यावर नेटकऱ्यांनीही भक्तीमय प्रतिक्रिया दिल्या आहेत. 

On the auspicious occasion of #MahaShivaratri, my sand art installation at Puri Beach, crafted with 17,000 sacred Rudraksha beads and 500 miniature Shiva Lingas, spreads the divine message “Har Har Mahadev.” 🔱✨ #HarHarMahadevॐ pic.twitter.com/hR4C2WgLen

— Sudarsan Pattnaik (@sudarsansand) February 15, 2026

दरम्यान, सुदर्शन पटनाईक हे प्रसिद्ध वाळूशिल्पकार आहेत. प्रत्येक मोठ्या सण, उत्सवात, महत्त्वाच्या दिनी ते वाळूशिल्प साकारुन अनोख्या शुभेच्छा देत असतात. याआधी भारतीय महिला संघाने विश्वचषक जिंकल्यानंतर त्यांनी सुंदर शिल्प साकारत शुभेच्छा दिल्या होत्या. 

Buldhana News : सरकारी योजनेचा बोजवारा, शेतकऱ्यांना ठेंगा, लाखो रुपयेही अडकले