Bank PO First Payslip Viral: सरकारी बँकेची नोकरी कायमच सुरक्षित आणि आकर्षक मानली जाते. पण जेव्हा एका बँक प्रोबेशनरी ऑफिसरने (PO) आपली पहिली सॅलरी स्लिप सोशल मीडियावर शेअर केली, तेव्हा या नोकरीबाबत एक नवीन चर्चा सुरू झाली. पगार आणि त्यासोबत मिळणारे अनेक भत्ते आणि सुविधा पाहून (Allowances) लोक थक्क झाले आहेत.
बँक POची पहिली सॅलरी स्लिप चर्चेत
बँक ऑफ बडोदाचे प्रोबेशनरी ऑफिसर पंकज कुमार दास यांनी मे 2025 ची आपली पहिली सॅलरी स्लिप सोशल मीडियावर शेअर केली. पंकज कुमार दास यांना 98 हजार 745 रुपये इन हँड सॅलरी मिळाली, पण ही रक्कम 40 दिवसांची असल्याचे त्यांनी स्पष्ट केले. सॅलरी स्लिपमध्ये बेसिक पे, घरभाडे भत्ता (HRA), महागाई भत्ता (DA) यासारख्या अनेक घटकांचा समावेश आहे
पगाराव्यतिरिक्त मिळणारे जबरदस्त फायदे
POने आपल्या व्हिडीओमध्ये पगाराव्यतिरिक्त मिळणाऱ्या अनेक सुविधांची माहिती दिली, ज्यामध्ये खालील बाबींचा समावेश आहे:
- भाडेतत्त्वावरील घर (Lease Accommodation)
- पेट्रोल खर्च
- वृत्तपत्र आणि मनोरंजन भत्ता
- वैद्यकीय सुविधा
- मोबाइल आणि रिचार्जचा खर्च
- रिफ्रेशमेंट आणि घर देखभालीचा खर्च
- डोळ्यांच्या तपासणीची सुविधा
- याव्यतिरिक्त सुट्ट्यांच्या काळात बँकेच्या गेस्ट हाऊस आणि हॉलिडे होम्सचाही लाभ घेता येऊ शकतो.
दीर्घकालीन फायदे
कर्मचाऱ्यांना अशा प्रकारच्या नोकरीमध्ये दीर्घकालीन फायदेही मिळतात. उदाहरणार्थ सुट्या न वापरल्यास त्या दिवसांचे रोख रकमेत रूपांतर (Encashment), प्रमोशन आणि इन्क्रीमेंटच्या संधी, स्थिर करिअर ग्रोथ.
बँक PO कसे बनावे?
- बँक पीओ हे एक एण्ट्री-लेव्हल मॅनेजमेंट पद आहे, जे मिळवणे सोपे नाही. यासाठी 'इन्स्टिट्यूट ऑफ बँकिंग पर्सनल सिलेक्शन' (IBPS) द्वारे आयोजित परीक्षा उत्तीर्ण व्हावी लागते.
- याव्यतिरिक्त स्टेट बँक ऑफ इंडिया (SBI) आणि आरबीआय (RBI) यासारख्या संस्थाही स्वतंत्र परीक्षा घेतात.
- पीओ म्हणून निवड झाल्यानंतर साधारण दोन वर्षांचा ट्रेनिंग आणि प्रोबेशन काळ असतो, ज्यामध्ये बँकेच्या विविध कामांचे प्रशिक्षण दिले जाते.
Photo Credit: NDTV Marathi
(नक्की वाचा: LPG News: तुम्ही घरी LPG सिलिंडर वापरता? 1 मेपासून बदलणार नियम, बुकिंगपासून ते डिलिव्हरीपर्यंत होणार मोठे बदल)
का होतेय इतकी चर्चा?
हा व्हिडीओ व्हायरल झाल्यानंतर लोक सरकारी आणि खासगी क्षेत्रातील नोकऱ्यांची तुलना करू लागले आहेत. अनेक लोकांचे असे मत आहे की, बँक पीओची नोकरी केवळ चांगला पगारच देत नाही, तर दीर्घकालीन स्थिरता आणि सुरक्षा देखील देते.
(Disclaimer: ही बातमी सोशल मीडियावरील युजरने केलेल्या पोस्टवरून तयार करण्यात आली आहे. एनडीटीव्ही या मजकुराच्या सत्यतेची पुष्टी करत नाही.)
Track Latest News Live on Marathi.NDTV.com and get news updates from India and around the world
