रीलच्या नादात रेल्वे ट्रॅकवर नेली कार; अचानक समोरून आली ट्रेन, अन...

रीलच्या जमान्यात लोक आज कोणत्याही थराला जात आहेत. अनेकदा रीलच्या नादात लोक असं काहीतरी करतात की पाहणारेही थक्क होतात. अशाच एका घटनेचा व्हिडीओ समोर आला आहे. रेल्वे ट्रॅकवर ट्रेन धावताना तुम्ही अनेकदा पाहिली असेल. मात्र एका पठ्ठ्याने रीलच्या नादात महिंद्रा थार रेल्वे ट्रॅकवर नेली. जयपूरच्या हरमाडा परिसरात ही घटना घडली आहे. 

( 'NDTV मराठी' चं अधिकृत व्हॉट्सअ‍ॅप चॅनल जॉईन करा )

मिळालेल्या माहितीनुसार, कारचालक मद्दधुंद अवस्थेत होता. दारुच्या नशेतच त्याने नको ते धाडस केल्याचं बोललं जात आहे. सोशल मीडियावर रील टाकण्यासाठी त्याने कार ट्रॅकवर नेण्याचा पराक्रम केला. मात्र थार कार ट्रॅकवरच अडकली. काही वेळातच बातमी वाऱ्यासारखी पसरली. त्यानंतर आजूबाजूच्या लोकांची गर्दी रेल्वे ट्रॅकवर जमली. 

(नक्की वाचा-  माजी क्रिकेटपटू संजय बांगरचा मुलगा बनला मुलगी! ट्रान्सफॉर्मेशन VIDEO सोशल मीडियावर Viral)

पाहा VIDEO

रील बनाने के चक्कर में रेलवे ट्रैक पर ले पहुंचा थार

राजस्थान के जयपुर में एक युवक रील बनाने के चक्कर में थार गाड़ी लेकर रेलवे ट्रैक पर आ गया. जिस दौरान रेलवे ट्रैक पर गाड़ी फंस गई. उस वक्त रेलवे ट्रैक पर एक मालगाड़ी आ रही थी. लेकिन लोको पायलट ने बड़ी सूझबूझ दिखाते हुए ट्रेन को… pic.twitter.com/chonnqjUN1

— NDTV Rajasthan (@NDTV_Rajasthan) November 12, 2024

दरम्यान एक मालगाडी देखील त्याच ट्रॅकवर आली. मात्र लोको पायलटने प्रसंगावधान राखत ट्रेन थांबवली आणि मोठा अनर्थ टळला. त्यानंतर लोकांच्या मदतीने बऱ्याच वेळानंतर थार कार ट्रॅकवरुन बाजूला काढण्यात यश आलं. कार ट्रॅकवरुन बाजूला केल्यानंतर कारचालकाने क्षणात घटनास्थळावरुन धूम ठोकली. 

(नक्की वाचा-  घराच्या बाल्कनीत व्हिडीओ काढणे दाम्पत्याला पडलं महागात, पोलिसांना दोघांनाही केलं अटक)

पळ काढताना चालकाने कार दोन-तीन ठिकाणी ठोकली देखील. पोलिसांना चालकाला अटक केली असून कार देखील जप्त केली आहे. मात्र रीलच्या नादात अशा घटना घडण्याचं प्रमाण दिवसेंदिवस वाढत आहे. अशा घटनांमध्ये अनेकांना जीव देखील गमवावा लागला आहे.