Baba Vanga predictions: माणसाचे भविष्य काय असेल, याबद्दल जगभरात नेहमीच उत्सुकता राहिली आहे. भविष्य वर्तवणाऱ्यांमध्ये नास्त्रेदमस (Nostradamus) आणि 'बाल्कनची नास्त्रेदमस' म्हणून ओळखल्या जाणाऱ्या बाबा वेंगा (Baba Vanga) यांचे नाव अग्रस्थानी आहे. बुल्गारियाच्या या रहस्यवादी महिलेच्या अनेक भविष्यवाण्या आजपर्यंत खऱ्या ठरल्या आहेत. आता त्यांच्या 63 वर्षांनंतरच्या एका भविष्यवाणीने चिंता वाढवली आहे, ज्यानुसार मानवामध्ये एका विषाणूचा (Virus) संसर्ग होईल.
बाबा वेंगा यांच्या अंदाजानुसार, आजपासून बरोबर 63 वर्षांनंतर, म्हणजेच 2088 मध्ये जगात एक असा विषाणू पसरेल, ज्याची आपल्याला सध्या कल्पना नाही. या विषाणूमुळे संक्रमित झालेले लोक जलद गतीने वृद्ध (Accelerated Aging) होतील. याचा थेट अर्थ असा आहे की, लोकांचे आयुष्यमान वेगाने कमी होईल आणि ते कमी वयातच मृत्यूच्या जवळ पोहोचतील. ही भविष्यवाणी येत्या सहा दशकांनंतरची असली, तरी सध्याचे हवामान बदल, जैविक युद्ध (Biological Warfare) आणि प्रयोगशाळांमध्ये तयार होणारे विषाणू लक्षात घेता, याकडे गांभीर्याने पाहण्याची गरज आहे.
नक्की वाचा - Garba viral video: गरबा नाईट मधला किसींग व्हिडीओ Viral, शेवटी त्या कपलला...
वांगेलिया पांडेवा दिमित्रोवा हे बाबा वेंगा यांचे खरे नाव. त्यांचा जन्म 1911 मध्ये आजच्या उत्तर मॅसेडोनियामध्ये झाला. वयाच्या 12 व्या वर्षी वादळामुळे त्यांची दृष्टी गेली. यानंतर त्यांना भविष्य पाहण्याची शक्ती प्राप्त झाली, असे त्यांच्या अनुयायांचे मत आहे. 1996 मध्ये त्यांचे निधन झाले, परंतु 9/11 चा दहशतवादी हल्ला आणि 2022 मध्ये ब्रिटनमध्ये आलेला महापूर यांसारख्या त्यांच्या अनेक भविष्यवाण्या खऱ्या ठरल्यामुळे आजही त्यांचे नाव चर्चिले जाते.
Track Latest News Live on Marathi.NDTV.com and get news updates from India and around the world
