Ethiopia Volcano:12000 वर्षात पहिल्यांदाच घडलं, इथिओपियात ज्यालामुखीचा उद्रेक; विषारी धूळ दिल्लीने दिशेने

इथिओपिया देशातील एका ज्वालामुखीच्या उद्रेकामुळे तयार झालेले राखेचे मोठे ढग सध्या उत्तर भारताच्या आकाशाकडे सरकत आहेत. भारतीय विमान कंपन्या आणि विमानतळांना प्रवासातील संभाव्य व्यत्ययांशी सामना करण्यासाठी विशेष सूचना जारी करण्यात आल्या आहेत.

हायली गुब्बी ज्वालामुखीचा उद्रेक

इथिओपियाच्या अफार प्रदेशातील हायली गुब्बी या ज्वालामुखीचा उद्रेक रविवारी सकाळी झाला. महत्त्वाचे म्हणजे, हा ज्वालामुखी जवळपास 12000 वर्षांनंतर प्रथमच सक्रिय झाला आहे. या उद्रेकातून बाहेर पडलेल्या राखेच्या दाट ढगाने येमेन आणि ओमान देशांच्या दिशेने तांबड्या समुद्राव प्रवास केला आणि आता तो उत्तर अरबी समुद्रावरून पुढे सरकला आहे.

प्रभावित क्षेत्र

राखेच्या ढगाचा दाट आणि केंद्रित भाग सध्या दिल्ली, हरियाणा आणि त्याला लागून असलेल्या उत्तर प्रदेशाच्या क्षेत्रावरून जात आहे. हा राखेचा ढग वातावरणात हजारो फूट उंचीवर असल्यामुळे, दिल्ली आणि आसपासच्या परिसरातील हवेच्या गुणवत्तेवर त्याचा परिणाम होण्याची शक्यता कमी आहे, असे अधिकाऱ्यांनी सांगितले आहे.

Ethiopian Volcanic

(नक्की वाचा- Viral VIDEO: फोनवरचं बोलणं ऐकून Uber ड्रायवरने गाडी थांबवली अन्... तरुणीच्या आयुष्यभर लक्षात राहील असा क्षण)

विमानसेवेवर परिणाम

या ज्वालामुखीच्या राखेमुळे आकासा एअर, इंडिगो आणि केएलएम रॉयल डच एअरलाईन्स यांसारख्या अनेक विमान कंपन्यांच्या विमानांच्या फेऱ्या रद्द कराव्या लागल्या आहेत.

आकासा एअर: 24 आणि 25 नोव्हेंबर रोजी जेद्दाह, कुवैत आणि अबु धाबी येथे जाणारी आणि येणारी उड्डाणे रद्द करण्यात आली आहेत.

केएलएम: ॲमस्टरडॅम-दिल्ली आणि परत येणारी दिल्ली-ॲमस्टरडॅम सेवा रद्द केली आहे.

Update04:
The Ash cloud from #HayliGubbi volcano that erupted y'day about to reach #Delhi & #NCR and adjoining areas of #Haryana, #Punjab and #UttarPradesh in ~10 to 30 minutes. This mostly consists of SO2 and moderate concentrations of Volcanic Ash. The plume does not possess… https://t.co/ESm1xzrJDb pic.twitter.com/IGfC97LecZ

— IndiaMetSky Weather (@indiametsky) November 24, 2025

डीजीसीएच्या विशेष सूचना

नागरी विमान वाहतूक महासंचालनालयाने सर्व विमान कंपन्यांसाठी तातडीने मार्गदर्शक सूचना जारी केल्या आहेत.

• राखेचा परिसर टाळणे: विमान कंपन्यांनी राखेचा ढग असलेल्या प्रभावित क्षेत्रातून प्रवास करणे टाळावे.
• प्रवासाचे नियोजन: नवीनतम सूचनांनुसार प्रवासाचे नियोजन, मार्ग निश्चिती आणि इंधनाचा विचार करावा.
• तातडीचा अहवाल: कोणत्याही राखेचा सामना, इंजिनच्या कार्यक्षमतेतील त्रुटी किंवा केबिनमधील धूर/वास आढळल्यास तातडीने त्याची माहिती द्यावी.
• विमानतळ तपासणी: जर राखेमुळे विमानतळ कामकाजावर परिणाम झाला, तर संबंधित ऑपरेटरने धावपट्ट्या, टॅक्सीवे आणि ॲप्रन्सची तातडीने तपासणी करावी.