BMC Budget : झोपडपट्टीतील गाळेधारकांकडून पालिकेला मिळणार 350 कोटी! काय आहे निर्णय?

विशाल पाटील, प्रतिनिधी

BMC Budget : मुंबई महापालिकेच्या तोंडावर सादर झालेल्या अर्थसंकल्पात मुंबई महापालिकेनं एक महत्त्वाचा निर्णय घेतला आहे. मुंबईच्या झोपडपट्टीतील गाळेधारकांनाही आता कर भरावा लागणार आहे. मुंबई महापालिका आयुक्त भूषण गगराणी यांनी ही घोषणा केली आहे. 

मुंबई महापालिकेत अडीच लाख झोपडपट्ट्या, त्यातील 20 टक्के झोपडपट्ट्यांमध्ये उद्योगधंदे दुकाने गोदाम हॉटेल्स अशा व्यवसायिक कारणासाठी वापर केला जातो.  आतापर्यंत कर त्या ठिकाणी लावला जात नव्हता. या व्यवसायिक गाळेधारकांना कर निर्धारण करून मालमत्ता कर मुंबई महापालिका वसूल करणार आहे. त्यामधून 350 कोटींचा महसूल मिळणे अपेक्षित आहे, असं गगराणी यांनी सांगितलं. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )
 

झोपडपट्टी गाळेधारकांकडून कर वसूल केला तरी ते सरसकट अधिकृत होणार नाहीत. हे गाळेधार मुंबई महापालिकेच्या वीज, पाणी तसंच अन्य सुविधा वापरतात त्यामुळे त्यांच्याकडून हा कर वसूल केला जाणार असल्याचं गगराणी यांनी स्पष्ट केलं आहे. 

कचरा संकलन कर लावण्याबाबत कायदेशीर सल्ला घेतला जात आहे. टप्प्याटप्याने हा कर लावण्याचा विचार आहे, असं आयुक्तांनी यावेळी सांगितलं.

( नक्की वाचा : NDTV Exclusive : टॅक्सनंतर आता टोलमध्येही मिळणार सवलत! गडकरींनी दिले मोठे संकेत )
 

मुंबई महापालिकेच्या अर्थसंकल्पाची प्रमुख वैशिष्ट्ये