Mumbai Metro : मुंबईकरांच्या संतापाचा उद्रेक, ऐन गर्दीत रोखली मेट्रो, पाहा Video

Mumbai Metro Video : मुंबई मेट्रोमध्ये प्रवाशांचा संतापाचा उद्रेक झाल्याची एक घटना घडली आहे. घाटकोपर-वर्सोवा दरम्यान धावणाऱ्या मेट्रो लाईन 1 मार्गावर हा प्रकार घडला. या मार्गावरील एका मेट्रो ट्रेनचा AC बंद पडला होता. त्यामुळे संतप्त प्रवाशांनी मध्यप्रवासातच ट्रेन अडवून धरली आणि आंदोलन केले. या घटनेचा व्हिडिओ सोशल मीडियावर व्हायरल झाला आहे. यामध्ये रेल्वेतील AC सुरु होत नाही तोपर्यंत दरवाजे रोखून धरत प्रवासी मेट्रो पुढे जाण्यासाठी नकार देत आहेत.

काय आहे प्रकरण?

याबाबतच्या वृत्तानुसार घाटकोपर आणि अंधेरी दरम्यान धावणाऱ्या ट्रेनमध्ये ही घटना घडली. AC अचानक बंद झाल्याने अनेक प्रवाशांना गुदमरल्यासारखे वाटत होते. ट्रेन स्टेशनवर थांबताच प्रवाशांचा संताप अनावर झाला. त्यांनी ट्रेनमधून खाली उतरण्यास नकार देत AC पुन्हा सुरू करण्याची मागणी केली.

प्रवाशांचा संताप पाहून सुरक्षा कर्मचारी परिस्थिती नियंत्रणात आणण्यासाठी पोहोचले. त्यांनी प्रवाशांना ट्रेन पुढे जाऊ देण्याची विनंती केली. मात्र, त्यानंतरही प्रवाशांचा राग कमी झाला नाही.  काव्हिडिओमध्ये सुरक्षा कर्मचारी दरवाजे बंद करण्याचा प्रयत्न करत असताना काही प्रवासी त्यांना विरोध करत असल्याचेही दिसत आहे.

( नक्की वाचा : Toll Fastag Annual Pass: फास्टटॅगचा वार्षिक पास देशभर लागू! काय होणार फायदा? वाचा सर्व प्रश्नांची उत्तरं )
 

अनेक मुंबईकरांसाठी, मेट्रो हे शहराच्या गर्दीने भरलेल्या लोकल ट्रेनपेक्षा एक जलद आणि अधिक आरामदायक प्रवासाचे साधन आहे. मात्र, गेल्या काही दिवसांपासून सातत्याने AC मध्ये बिघाड होत असल्याने प्रवासी सेवेच्या विश्वासार्हतेवर प्रश्न उपस्थित केला आहे. प्रवाशांनी सोशल मीडियावरही ही नाराजी व्यक्त केली आहे. 

सकाळच्या गर्दीच्या वेळी घाटकोपर आणि अंधेरी दरम्यान धावणाऱ्या ट्रेनमध्ये ही घटना घडली. AC अचानक बंद झाल्याने अनेक प्रवाशांना गुदमरल्यासारखे वाटत होते. ट्रेन एका स्टेशनवर थांबताच प्रवाशांचा संताप अनावर झाला. त्यांनी ट्रेनमधून खाली उतरण्यास नकार देत AC पुन्हा सुरू करण्याची मागणी केली.

Blunder by Mumbai Metro 1 🚇 🚉 Ghatkopar–Versova rake ran without proper AC
Leaving commuters sweating & fuming
Not allowing door to close
Will lead to stampede if on warfooting 6 bogie rakes not started @Dev_Fadnavis@CMOMaharashtra @PratapSarnaik@mumbairailusers@HoeZaay… pic.twitter.com/R0bk8FK2Uy

— ANDHERI LOKHANDWALA OSHIWARA CITIZEN'S ASSOCIATION (@AndheriLOCA) August 15, 2025

या घटनांमुळे मेट्रोच्या सुरक्षित आणि आरामदायक प्रवासाच्या आश्वासनाला तडा जातो, अशी तक्रार प्रवाशांनी केली आहे. त्यांनी मेट्रो प्रशासनाला टॅग करून तातडीने कारवाई करण्याची मागणी केली आहे.