Shocking news: बॉसने तरूणीला मीटिंगला बोलवले, बंदूक दाखवून कपडे काढायला लावले, Video शूट केला अन्...

कॉर्पोरेट क्षेत्रातील लक्झरी लाइफस्टाइल आणि आकर्षक पगाराच्या झगमगाटामागे एक अत्यंत धक्कादायक आणि लाजिरवाणा प्रकार समोर आला आहे. मुंबईमध्ये Franco India Pharmaceutical कंपनीचे व्यवस्थापकीय संचालक (MD) आणि संस्थापक सदस्य जॉय जॉन पास्कल पोस्ट यांच्यासह पाच जणांविरुद्ध एका  महिलेच्या विनयभंग आणि लैंगिक छळाचा गंभीर गुन्हा दाखल करण्यात आला आहे. मिळालेल्या माहितीनुसार, संबंधित महिलेला मीटिंगच्या बहाण्याने कंपनीच्या कार्यालयात बोलावण्यात आले. त्यानंतर तिच्यासोबत एक भयंकर प्रकार घडला. या घटनेनं कॉर्पोरेट जगत हादरून गेलं आहे.  

पीडित महिलेने केलेल्या तक्रारीनुसार, आरोपी जॉय जॉन पास्कल पोस्टने ऑफिसमध्ये तिच्यासोबत गैरवर्तन केले. अश्लील चाळे केले. त्यानंतर  थेट बंदूक (Gunpoint) दाखवून तिला कपडे उतरवण्यास भाग पाडले. त्यानंतर आरोपीने महिलेला गलिच्छ शिवीगाळ केली. तो ऐवढ्यावरच थांबला नाही. त्यानंतर  तिचे त्याने नग्न अवस्थेतील व्हिडिओ काढले. तिचे फोटो शूट ही केले. तसेच, जर तिने या घटनेबद्दल आवाज उठवला, तर ते व्हिडिओ आणि फोटो व्हायरल करण्याची धमकीही दिली. यामुळे ती महिला हादरून गेली. 

नक्की वाचा - Kajol devgan: ना एफडी ना सेव्हिंग! तरी काजोलला HDFC बँक देणार दरमहा 6 लाख रूपये, कारण जाणून म्हणाल...

या घृणास्पद कृत्यानंतर महिलेने धीर दाखवत तात्काळ मुंबई पोलिसांत (Mumbai Police) तक्रार दाखल केली. पोलिसांनी तक्रारीची दखल घेऊन तातडीने तपास सुरू केला आहे. व्यवस्थापकीय संचालक जॉय जॉन पास्कल पोस्ट आणि इतर पाच आरोपींविरुद्ध कलम 354A (लैंगिक छळ), 354B (जबरदस्तीने कपडे उतरवणे), 509 (महिलेच्या प्रतिष्ठेचा भंग), 506 (धमकी) आणि आयटी अ‍ॅक्टचे कलम 66A यांसारख्या गंभीर कलमांखाली गुन्हा दाखल करण्यात आला आहे.

नक्की वाचा - Pune News: दहशत, भीती अन् धाकधूक! मुलींनी पुण्यात घराबाहेर पडायचं की नाही? ही एक घटना काय सांगते?

पोलिसांनी पीडितेचा जबाब नोंदवला आहे. आरोपींच्या भूमिकेची सखोल चौकशी सुरू आहे. या तपासात आणखी मोठे खुलासे होण्याची शक्यता पोलीस सूत्रांनी वर्तवली आहे. या संपूर्ण प्रकरणामुळे मुंबईतले कॉर्पोरेट जगत हादरून गेले आहे. अशा पद्धतीने एखादा बॉस आपल्या सहकाऱ्या सोबत कसा वागू शकतो याची चर्चा सुरू झाली आहे. या सारख्या घटना या सेक्टरमध्ये होत असतील का? किंवा अशा प्रकाराने हे जगत पोखरले आहे का असे अनेक प्रश्न या निमित्ताने उपस्थित झाले आहे.