रेवती हिंगवे
गेल्या काही काळापासून पुण्यात अशा काही घटना घडत आहे की ज्यामुळे पुणे म्हणजे क्राईम कॅपीटल झाली आहे की काय असा प्रश्न निर्माण झाला आहे. सर्वात सुरक्षित शहर म्हणून एकेकाळी पुण्याची ख्याती होती. विद्येचे माहेर घर म्हणून देशभरातून मुलं मुली इथं शिक्षणासाठी येत आहेत. पण हेच शहर आता मुलींसाठी असुरक्षित झालय की काय असा प्रश्न निर्माण होत आहे. एकीकडे टोळी युद्ध तर दुसरीकडे मुलींवर होणारे अन्याया अत्याचार या कात्रित पुणं सापडलं आहे की काय अशी चर्चा रंगली आहे. त्यात आणखी एक घटना समोर आली आहे. त्यामुळे या दाव्याला आणखी बळ मिळताना दिसत आहे.
पुणं पुन्हा एकदा एका हत्येने हादरलं आहे. इथं एका तरुणीची भर दिवसा हत्या करण्यात आली आहे. एका तरुणानेच या तरूणीची हत्या केली. तो ऐवढ्यावरच थांबला नाही. तर त्याने तिचा खून केल्यानंतर स्वत: ला ही संपवलं आहे. त्यामुळे एकच खळबळ उडाली आहे. दिव्या नीगोत असे या तरुणीचे नाव आहे. ती पुण्यातल्या संगमवाडी इथली रहिवाशी आहे. गणेशने तिच्या आपल्याच घरात हत्या केल्याचे आता समोर आले आहे. त्यानंतर तो फरार झाला होता. दिव्याच्या मिसींगची तक्रार तिच्या कुटुंबीयांनी दिली होती. त्यानंतर तिचा शोध घेतला असता तिचा मृतदेह गणेशच्या घरात आढळला आहे.
नक्की वाचा - Navneet Rana: नवनीत राणांचे पुरूषांबाबत वादग्रस्त वक्तव्य! म्हणाल्या ते रात्री उशिरा...
दिव्याची हत्या केल्यानंतर तो पिंपरीमध्ये गेला. तिथेच त्याने आत्महत्या ही केली. हे दोघेही तरुण -तरुणी पुण्यातील रुबी हॉल क्लिनिक रुग्णालयात कामाला होते. तिथेच दिव्या आणि या गणेशची ओळख झाली होती. या दोघांमध्ये प्रेम संबंध होते असं प्राथमिक तपासात पुढे आल्याचं पोलीसांची माहिती आहे. दिव्या ही मूळची पुण्याची आहे. तर हत्या करणारा गणेश काळे हा तरुण बीडचा आहे. हे दोघे ही एकेकांचे परिचयाचे असून त्यांच्या प्रेमसंबंध होते ही माहिती ही आता समोर आली आहे. त्याच्या मनात काही आलं आणि त्याने हे टोकाचे पाऊल उचलत तिला संपवलं. त्यानंतर त्यानेही रेल्वेखाली आत्महत्या केल्याचं समोर आलं आहे. त्याचा मृतदेह तळेगावच्या रेल्वे ट्रॅक शेजारी आढळला आहे.
गेल्या अनेक दिवसांपासून पुण्यातील रुबी रुग्णालयात हे दोघे ही नोकरी करत होते. या दोघांमध्ये काही दिवसांपूर्वी मोठा वाद झाला होता. हा वाद इतका टोकाला पोहोचला की या तरूणाने दिव्याची हत्या करण्याचा निर्णय घेतला. त्यातूनच त्याने मागचा पुढचा विचार न करता दिव्याचा भर दिवसा उजेडी खून केला. प्रियेसीला संपवल्यानंतर त्याने स्वत: ही आपले जीवन संपवले आहे. त्याच्या या कृतीमुळे सर्वच जण हादरले आहे. एखाद्या गोष्टीवरून वाद झाला म्हणून थेट खून करणे हे किती योग्य आहे असा सवाल उपस्थित केला जात आहे. त्यामुळे मुलींनी करायचे तर काय करायचे असं ही विचारणा होत आहे. त्यामुळे आम्ही घराबाहेर पडायचे की नाही असा प्रश्न पुण्यातील मुलींसमोर पडला आहे.
Track Latest News Live on Marathi.NDTV.com and get news updates from India and around the world
