TMC Election 2026 News: ठाणे महानगरपालिका निवडणुकीच्या (TMC Election 2026) मतदानापूर्वीच उपमुख्यमंत्री एकनाथ शिंदे यांच्या बालेकिल्ल्यात शिवसेनेने विजयाचे खाते उघडले आहे.
ठाणे महानगरपालिका निवडणुकीसाठी राजकीय वातावरण तापले असतानाच, उपमुख्यमंत्री एकनाथ शिंदे यांच्या नेतृत्वाखालील शिवसेनेने मोठी आघाडी घेतली आहे. शिवसनेच्या एकूण 4 उमेदवारांची बिनविरोध निवड झाली आहे. यामुळे निवडणुकीचा बिगुल वाजण्यापूर्वीच शिवसेनेने ठाण्यात आपले खाते उघडले आहे.
(नक्की वाचा- Holiday on 15 January: 15 जानेवारीला राज्यात सुट्टी जाहीर; कुठे आणि कुणाला मिळणार लाभ?)
बिनविरोध विजयी उमेदवारांची नावे:
- जयश्री फाटक
- सुखदा मोरे
- एकता भोईर
- राम रेपाळे
अशारितीने ठाण्यात शिवसेनेने एकूण 4 जागांवर बिनविरोध विजय मिळवत 'विजयाचा चौकार' लगावला आहे.
(नक्की वाचा- TMC Election: 7वी पास कोट्यधीश उमेदवार, दारात गाड्यांचा ताफा; निवडून आल्यास काय करणार? निबंध एकदा पाहाच)
मुख्यमंत्र्यांच्या बालेकिल्ल्यात वर्चस्व
ठाणे हा उपमुख्यमंत्री एकनाथ शिंदे यांचा बालेकिल्ला मानला जातो. या विजयामुळे शिंदे गटाने ठाणे महानगरपालिकेवर आपले वर्चस्व पुन्हा एकदा सिद्ध केले आहे. विरोधकांनी या जागांवर उमेदवार न दिल्याने किंवा अर्ज बाद झाल्याने शिवसेनेचा मार्ग मोकळा झाला आहे. मतदानापूर्वीच मिळालेल्या या यशामुळे शिवसेना कार्यकर्त्यांमध्ये उत्साहाचे वातावरण आहे. या विजयामुळे आता उर्वरित जागांसाठी होणाऱ्या निवडणुकीत महायुतीचे पारडे जड मानले जात आहे.
