Rail One App Booking: भारतीय रेल्वेने तिकीट बुकिंगमध्ये बदल केले आहेत. १ मार्चपासून रेल्वे तिकीट बुकिंग सिस्टीममध्ये मोठा बदल होणार आहे. जर तुम्ही आधी जुन्या अॅपमधून आपल्या मोबाइलवर जनरल तिकीट किंवा प्लॅटफॉर्म तिकीट घेत असाल, तर आता ती प्रक्रिया बदलणार आहे.
भारतीय रेल्वे आपली टिकिटिंग प्रक्रिया आणखी स्मार्ट करत आहे. दररोज लाखो प्रवासी मोबाईलवरून जनरल तिकीट बुक करतात आणि आता त्यांना यामध्ये एक मोठा बदल दिसणार आहे. रेल्वे वेगवेगळ्या अॅप्सचा वापर करण्याची झंझट संपवत आहे. आता सर्व तिकीट बुकिंग सेवा एका नवीन अॅपमध्ये उपलब्ध असतील. त्यामुळे तुमच्यासाठी या नव्या अॅपची माहिती असणे खूप महत्त्वाचे आहे, जेणेकरून तुम्ही तुमचे तिकीट कोणत्याही अडचणीशिवाय सहज बुक करू शकता.
नवीन अॅप कसे काम करेल?
तिकीट बुक करण्यासाठी आता प्रवाशांना रेल्वेचे नवीन अॅप वापरावे लागणार आहे.
या अॅपमध्ये जनरल तिकीट, प्लॅटफॉर्म तिकीट आणि प्रवासाशी संबंधित इतर सर्व सेवा एकाच ठिकाणी उपलब्ध असतील.
यामुळे वेगवेगळी अॅप्स वापरण्याची गरज राहणार नाही आणि तिकीट बुकिंग प्रक्रिया आणखी सोपी व जलद होणार आहे.
नक्की वाचा >> Good News : गुणवंत विद्यार्थ्यांसाठी आनंदाची बातमी, शिष्यवृत्तीबाबत सरकारने घेतला सर्वात मोठा निर्णय
आता RailOne अॅपमधून होणार तिकीट बुकिंग
1 मार्चपासून जुने UTS अॅप संपूर्ण देशात बंद केले जात आहे. त्याच्या जागी आता RailOne अॅप वापरले जाणार आहे. हे नवीन अॅप केवळ जनरल तिकीट आणि प्लॅटफॉर्म तिकीटासाठीच नाही, तर रेल्वेशी संबंधित जवळजवळ सर्व सेवा एकाच ठिकाणी उपलब्ध करून देईल. RailOne अॅपमध्ये तुम्हाला जनरल तिकीट बुकिंग, प्लॅटफॉर्म तिकीट, आरक्षित बर्थ किंवा सीट बुकिंग, ट्रेन स्टेटस आणि लाईव्ह लोकेशन तसेच प्रवासाशी संबंधित इतर सुविधा मिळतील.
तिकीट बुकिंग आता अधिक सोपे
आता तुम्हाला IRCTC किंवा इतर कोणत्याही प्लॅटफॉर्मवर वेगवेगळे जाऊन तिकीट बुक करण्याची गरज नाही. सगळे तिकीटिंग काम एकाच अॅपमधून होईल. यामुळे वेळ वाचेल, अॅप बदलण्याची कटकट संपेल आणि तिकीट बुकिंग आधीपेक्षा अधिक सोपे होईल.
नक्की वाचा >> "याला बहीण-मुलगी..", पुढच्या सीटवर रिक्षा चालकाच्या शेजारी बसली, नंतर जे घडलं..व्हिडीओ पाहून सर्वच थक्क
RailOne अॅपवर जनरल तिकीट कसं बुक करणार?
रेल वन अॅपवर जनरल तिकीट बुक करणं खूप सोपं आहे. RailOne अॅप उघडा. Journey Planner वर जा. तिथे “Unreserved” (जनरल टिकट) चा पर्याय निवडा. From Station मध्ये तुमच्या सुरुवातीच्या स्टेशनचं नाव टाका. To Station मध्ये जिथे जाल तिथे त्या स्टेशनचं नाव लिहा. GPS ऑन करून अॅपला तुमचं लोकेशन तपासू द्या. यामध्ये Mail, Express आणि Superfast साठी तिकीट बुक करा. सर्व माहिती योग्य आहे की नाही ते तपासा. त्यानंतर पेमेंट करा. तिकीट पाहण्यासाठी My Tickets सेक्शन मध्ये जा. तेथून PDF डाउनलोडही करू शकता.
Track Latest News Live on Marathi.NDTV.com and get news updates from India and around the world
